ABŞ lideri vaxtı və yeri açıqladı
ABŞ prezidenti Donald Trampın Şimali Koreya lideri Kim Çen İnlə nə vaxt və harada görüşəcəyi məlum olub.
Strateq.az xarici mətbuata istinadən xəbər verir ki, bu barədə Tramp özünün “Twitter” hesabında məlumat yayıb.
Tramp bildirib ki, görüş iyunun 12-də Sinqapurda baş tutacaq.
ABŞ prezidenti onu da qeyd edib ki, hər iki lider bu görüşün bütün dünyada sülh adına xüsusi hadisəyə çevrilməsinə çalışacaq.
Bundan əvvəl bir neçə ölkə görüşə ev sahibliyi etmək üçün müraciət etsə də, Ağ Ev rəhbəri görüşün məhz Sinqapurda keçirilməsinə qərar verib.
