ABŞ və Ermənistanın xarici siyasət idarələri prezident Donald Trampla baş nazir Nikol Paşinyanın görüşmək imkanını müzakirə edirlər
Trend-in məlumatına görə, bunu Ermənistanın Birləşmiş Ştatlardakı səfiri Qriqor Hovannisyan deyib.
O bildirib: "ABŞ Dövlət Departamentindən olan tərəfdaşlarımızla yaxın gələcəkdə baş nazir Paşinyanla prezident Trampın görüşmək imkanını müzakirə edirik. Bu məsələ gündəlikdə dayanır".
Bundan əvvəl N.Paşinyan bəyan etmişdi ki, sentyabrda Nyu Yorkda BMT Baş Assambleyasının iclası keçirilən zaman ABŞ-a səfər etməyi planlaşdırır.
