Meksikanın Duranqo ştatında “Aeromexico” aviaşirkətinə məxsus sərnişin təyyarəsi qəzaya uğrayıb
AzVision.az "RİA Novosti"yə istinadən xəbər verir ki, qəza nəticəsində 98 nəfər xəsarət alıb. Yaralılar xəstəxanaya yerləşdiriliblər.
Məlumata görə, hadisə Quadulupe Viktoriya adına beynəlxalq hava limanının yaxınlığında baş verib. Embraer 190 təyyarəsi uçma-enmə zolağından təxminən 300 metr aralıda yerə çırpılıb. Qəfil şiddətlənən küləyin hadisəyə səbəb olduğu deyilir.
Qəza nəticəsində ölən olmayıb. Təyyarənin göyərtəsində 103 nəfər olub.
