İranın xüsusi xidmət orqanlarının keçirdiyi əməliyyat nəticəsində Cənubi Xorasan vilayətində terrorçu qrup zərərsizləşdirilib
AZƏRTAC Cənubi Xorasan vilayətinin polis idarəsinin rəis müavini Məhəmməd Rza Sərfəraziyə istinadla xəbər verir ki, terrorçuların məqsədi Qədr gecələrində təxribat əməliyyatları törətmək olub. Terrorçular müqəddəs Ramazan ayında keçirilən iftar mərasimlərində və məscidlərdə partlayışlar törətmək istəyiblər.
Xatırladaq ki, son vaxtlar İranın xüsusi xidmət orqanları bir sıra terrorçu qrupların terror aktlarının qarşısını alıb.
