Avropa Məhkəməsi NİDA Vətəndaş Hərəkatının İdarə Heyətinin keçmiş üzvləri barəsində qərarını elan edib
Bu barədə Cebhe.info-ya vəkil Fariz Namazlı məlumat verib.
O bildirib ki, barələrində qərar elan edilən NİDA üzvləri Rəşad Həsənov, Zaur Qurbanlı, Üzeyir Məmmədli və Rəşadət Axundovdur:
“Onların Konvensiyanın 5.1 (şəxsi azadlıq hüququ) və 18 (siyasi məqsədlərə görə hüquqların məhdudlaşdırılması) maddələrinin pozuntusu tanınıb, hər birinə mənəvi zərərə görə 20.000 avro, məhkəmə məsrəflərinə görə 3000-5000 avro kompensasiya ödənilməsinə dair qərar verilib”.