Bəzi mənbələrə əsasən sənədləri saxtalaşdırıb ölkəmizə vərəm viruslu mal-qaralar gətirilir ki, bu virus insan orqanizminə həddindən artıq təhlükə yaradır
Azərbaycan Respublikası Kənd Təsərrüfatı Nazirliyinin strukturuna daxil olan Dövlət Baytarlıq Nəzarəti Xidmətinin korrupsiya bulaşmış fəaliyyətindən bəhs edən yazılar demək olar ki, sosial şəbəklərdən gündəmdən düşmürki düşmür.
Bu dəfə də, cumhuriyyet.az-a adıçəkilən qurum haqqında yeni neqativ faktlar daxil olub. Dövlət Baytarlıq Nəzarəti Xidmətinin rəis əvəzi Azər Süleymanovun rəhbərliyi altında baş verən qanunsuzluqlar haqda məlumatlarımız bir neçə istiqaməti əhatə edir.
Baytarlıq idarəsində “idxal-ixrac korrupsiyası”
Rusiya və Ukraynadan heyvan mənşəli məhsullarına ölkəmizə idxal icazəsini vermək üçün Azərbaycanın baytarlıq mütəxəssisləri adıçəkilən ölkələrə gözdənpərdə asmaq üçün monitorinqə göndərilir. Bu proses haqda məlumatlı mənbənin cumhuriyyet.az-a bildirdiyinə görə, formal monitorinqdən sonra həmin ölkələrin iş adamları Azərbaycana gələrək şəxsən Dövlət Baytarlıq Nəzarəti Xidmətinin rəis əvəzi Azər Süleymanova məhsullarının Azərbaycana ixrac edilməsinə razılıq verməsi üçün baytarlıq idarəsinə rüşvət veririb gedirlər.
Bununla bağlı cumhuriyyet.az olaraq media üzərindən apardığımız araşdırmalarda müəyyən rəqəmlərə də rast gəldik: “Dövlət Baytarlıq Xidmətinə ölkəyə idxal edilən yüklərə baytarlıq icazəsinin alınması üçün müraciət edən sahibkarlardan ölkəyə idxal edilən damazlıq toyuq yumurtasının birinə 1 sent, (ildə 100 minlərlə yumurta idxal olunur) bir günlük cücənin birinə 1 sent, habelə xaricdən gətirilən bir baş iribuynuzlu heyvana 40 man, qoyun-keçiyə 15 manat, 100 tonlarla ət, yağ, süd və süd məhsulları, quru süd, balıq və digər heyvandarlıq məhsullarının özlərinin təyin etdilkləri “PREYSKURANT QİYMƏTİ”nə uyğun hər bir maşınına 100-150 manat, Nazirlər Kabinetinin təsdiq etdiyi siyahıdan başqa Dövlət Baytarlıq Nəzarəti Xidmətindən icazə alması nəzərdə tutulmayan konservlədirilmiş, yəni termiki işləmədən keçmiş heyvan mənşəli məhsullar-balıq konservi, mal əti konservi, quru süd, dondurma, yoqurt,qatılaşdırılmış süd, mayonez, uşaq qidası, kərə və digər emal edilmiş yağlar, kolbasa məmulatları, xromlanmış, yəni kimyəvi yolla işlənmiş dərinin hər bir maşınına 100-150 manat, sahibkar ölkəyə müxtəlif baytarlıq preparatları idxal edərkən hər bir adda olan preparatın birinə 1000 manat qeydiyyatından başqa) rüşvət alınır”.
Məlumata görə, Dövlət Baytarlıq Nəzarəti Xidmətindən icazə alması nəzərdə tutulan məhsulların ixal-ixracı üçün oxuculara təqdim etdiyimiz “QARA QİYMƏT CƏDVƏLI”nə uyğun yığılan rüşvətdən Dövlət Baytarlıq Nəzarəti Xidmətinin müəyyən işçilərinə hər ay maaşından əlavə “PAKET” verilir.
SOS: Ölkəyə vərəmli ət gətirilir?
Dövlət Baytarlıq Nəzarəti Xidmətinin ölkəyə gətirilən ət və ət məhsulları ilə bağlı yaratdığı rüşvət sistemi yalnız bir şəxsin capital toplanması ilə yekunlaşmır. Bu prosesin ən böyük zərbəsi ölkənin ərzaq təhlükəsizliyi ilə bağlıdır. Məhz bunun nəticəsidir ki, Azərbaycanın ət bazarında virus təhlükəsi yaşandığı iddia olunur. Belə ki, cumhuriyyet.az olaraq media üzərindən apardığımız araşdırmalarda rastlanan məlumatlarda xaricdən gətirilən heyvanların ət bazarı üçün təhlükəli olduğu bildirilir. Bəzi mənbələrə əsasən sənədləri saxtalaşdırıb ölkəmizə vərəm viruslu mal-qaralar gətirilir ki, bu virus insan orqanizminə həddindən artıq təhlükə yaradır.
Əsasən də, Gürcüstandan ölkəyə gətirilən heyvanlarda vərəm virusunun aşkarlandığı ehtimal olunur. Gürcüstandan və digər ölkələrdən xəstə heyvanların gətirilməsi mümkündür. Gürcüstanın Saqaredjo rayonunun baytarlıq idarəsinin inspektoru Nono Buzariaşvilinin verdiyi məlumata görə, Respublika Baytarlıq Laboratoriyasında fəaliyyət göstərən Bakteriologiya və ekspress-diaqnostika şöbəsi tək burselyozu analiz edir. Tuberkulyoz virusu bizdə analiz edilmir və biz bu haqda sənəd və sertifikat vermirik. Bu sahə tamamilə başlı-başına buraxılıb. Yəni Kənd Təsərrüfatı Nazirliyi yanında Dövlət Baytarlıq Nəzarəti Xidməti ölkəyə gətirilən heyvanlar arasında bruselyozla əlaqədar yoxlamalar aparsalar da, vərəm virusu ilə əlaqədar müayinələr həyata keçirilmir. Bu günlərdə Dadaş Şükürov adlı iş adamının Qırmızı Körpü sərhəd keçid məntəqəsindən vərəm viruslu mal-qara keçirib. Gürcüstandan alınan sənədlərdə tək birsilyoz xəstəliyinə sertfikat verilir, Dadaş Şükürov isə bu sənədə “Vərəm” xəstəliyinin müayinəsini də əlavə edib aidiyyatlı orqanlara təqdim edir. Bu isə Azərbaycanın keçmiş sovetlər birliyində birincilər sırasında olmağa şərait yaradır.
Sahibkardan Vilyam Hacıyevin keçmişi ilə bağlı İLGİNC AÇIQLAMA
Azərbaycan tərəfi iribuynuzlu mal-qaranın Respublikamıza idxal edilməsi üçün hər iki xəstəliyin olub, olmaması barədə sertifikat tələb edir. Bəzən heyvanların xəstə olduğunu bilə-bilə onları, yaxud kəsərək ətlərini satanlar da var. Üstəlik bayramlar ərəfəsində, daha çox da Qurban bayramı ərəfəsində paytaxta gətirilərək satılan heyvanlar da çoxdur. Hazırda iri və xırda buynuzlu heyvanlar arasında ən geniş yayılmış xəstəlik bruselyozdur: Daha sonra vərəm(tuberkulyoz virusu), dabaq, qarayara, son zamanlar isə nodulyar dermatit xəstəliyi fərqli formalarda yayılıb.
Erməni iş adamı ilə rəsmi anlaşma
Mövzu ilə bağlı apardığımız araşdırmalar ilginc faktları üzə çıxarıb. Belə ki, cumhuriyyet.az olaraq mediada yer alan və rəzmən təkzib olunmayan məlumatlarda Heydər Əsədovun rəhbərliyi altında erməni əsili şəxsin şirkəti ilə bağlanan müqavilnin təfərrüatları yer alıb: “Kənd Təsərrüfatı naziri Qor Xeçoyanın «Meqavet» şirkətindən vaksin alırmış Azərbaycanda bəzi məmurların ermənilərlə, hətta Ermənistanla əlaqələr qurduğuna dair iddialar hələ xeyli əvvəldən var. Hətta vəzifə başında erməni əsilli qadınlarla evli olan yüksək çinli məmurların olduğu da deyilir. Lakin indiyə qədər rəsmi qurumlar bunu təsdiqləmirlər. Hətta isbata gərəyi olmayan halları belə.
Kənd Təsərrüfatı naziri Heydər Əsədovun da düşmən xalqın nümayəndələri ilə sıx əlaqələri varmış. Belə ki, nazir Azərbaycanda heyvanlar üçün büdcə pulları hesabına alınan vaksinləri «Meqavet» şirkəti vasitəsi ilə realizə edirmiş. Bu şirkətin offşor şirkətlər sırasında olduğu isə təsdiqə ehtiyacı olmayan məlumatlardandır. Lakin məsələnin ilginc tərəfi odur ki, Heydər Əsədovun vaksin aldığı şirkətin başında erməni dayanırmış.
Politika.Az-ın dəqiqləşdirmələrinə görə, nazirin əməkdaşlıq etdiyi «Meqavet» şirkətinin rəhbəri Qor Rafaeloviç Xeçoyandır. Xeçoyanın Bakıya gəlib-gedən nümayəndəsi isə gürcüdür. Pata Subzivadze yerli biznesmenlərdən fərqli olaraq, gətirdiyi mallara görə ƏDV ödəməkdən azad edilib. Səbəb isə «obnaliçka» əməliyyatları üzrə pulların həcmini daha artırmaqdır. Heydər Əsədovun qaranlıq işləri bununla da yekunlaşmır. Onun ən etibarlı adamlarından biri olan, hazırda nazirlikdə Kənd Təsərrüfatı Layihələri və Kreditlərinin İdarə Edilməsi üzrə Dövlət Xidmətinin rəis müavini Abbas Qaracayev isə fermerlərə ayrılmış kreditləri özünküləşdirməyə nail olub. Belə ki, Qaracayev fermerlər üçün ayrılmış pulları banklara yerləşdirib, onlardan əmanətçi kimi faizlər alır.
Bildirək ki, bununla bağlı əlimizdə ciddi faktlar var və ortalıqda onun əlyazması olan sənədlər mövcuddur. Həmin sənədlərdə aşkar şəkildə hansı banklarda nə qədər pulun olduğu, aylıq və illik nə qədər faizlər alındığı qeyd olunub. Bununla bağlı geniş yazımız olacaq. KTN rəhbəri hətta Dünya Bankına da kələk gəlməyə başlayıb. Belə ki, bankın layihəsi əsasında ayrılmış maliyyə vəsaitləriylə REV 1 vaksinləri alınmalıdır. Lakin nazirlik vaksinlərin satınalması üzrə keçirilən beynəlxalq tenderdə ciddi qanunsuzluqlar edib”.
MilliYol.az
Digər xəbərlər
loading...
