Fevralın 7-də Belarus Ali Məhkəməsi bloqçu Aleksandr Lapşinin Azərbaycana təhvil verilməsi haqda qərardan şikayətinə baxıb
Novator.az-ın məlumatına görə, şikayət təmin edilməyib, beləliklə, bloqçu ittiham olunmaq üçün Azərbaycana gətirilə bilər.
Azərbaycanın tələbi ilə Belarusda tutulan bloqçunun Azərbaycana təhvil verilməsi haqda qərarı yanvarın 20-də Belarus Bas Prokurorluğu çıxarıb. Yanvarın 26-da Minsk Şəhər Məhkəməsi Aleksandr Lapşinin həmin qərardan şikayətini təmin etmədiyi üçün bloqçu Ali Məhkəməyə üz tutmuşdu.
40 yaşlı Lapşin Rusiya və İsrail vətəndaşıdır. O, 2011-ci ilin aprel və 2012-ci ilin oktyabr aylarında Azərbaycanın işğal olunmuş ərazilərinə səfər edib, özünə məxsus Puerrtto.livejournal.com portalında Dağlıq Qarabağı müstəqil dövlət kimi qələmə verib, həmçinin 6 aprel və 29 iyun 2016-cı il müraciətlərində işğal olunmuş ərazilərdə qanunsuz fəaliyyət göstərən rejimin “müstəqilliyini” dəstəkləməklə Azərbaycanın ərazi bütövlüyünün parçalanmasına yönələn çağırışlar edib.
Azərbaycanın Baş Prokurorluğunda fakta görə Cinayət Məcəlləsinin 281.2-ci (dövlət əleyhinə yönələn açıq çağırışlar) və 318.2-ci (Azərbaycan Respublikasının dövlət sərhədini qanunsuz olaraq keçmə) maddələri ilə cinayət işinə başlayıb və Lapşin dövlətlərarası axtarışa verilib. Belarusun hüquq mühafizə orqanları Lapşini ötən ilin dekabrında saxlayıb.
MilliYol.Az
Digər xəbərlər
loading...
