Bakının Nizami rayonunda bıçaqlanma hadisəsi baş verib
Teleqraf.com xəbər verir ki, rayonun “8-ci kilometr” qəsəbəsində 17 yaşlı Elgün Bağırov bıçaqlanıb.
Vaxtında tibbi yardım göstərildiyi üçün onun həyatını xilas etmək mümkün olub.
Məlumata görə, Elgün Bağırov qəsəbə ərazisində yerləşən parklardan birində 4 nəfərlə qız üstündə mübahisə edib. Mübahisə sonradan davaya çevrilib. Dava zamanı hələlik adları istintaqa məlum olmayan şəxslərdən biri Elgün Bayramova 3 bıçaq zərbəsi vurub.
Cinayəti törədənlər hadisə yerindən qaçıb. Hazırda polis cinayətin iştirakçılarının müəyyən edilərək tutulması istiqamətində əməliyyat tədbirləri görürlər.
Faktla bağlı cinayət işi başlanıb.
MilliYol.Az