Azərbaycan Premyer Liqasında XXVI tura yekun vurulub. MilliYol.Az xəbər verir ki, ikinci oyun günündə daha iki qarşılaşma baş tutub.
Bu qarşılaşmalardan sonra 2016/17 mövsümünün qalibi müəyyənləşib.
Əvvəlcə "Kəpəz"lə "Qəbələ" üz-üzə gəlib. Meydan sahibləri Avropa Linasına vəsiqə uğrunda mübarizə aparırsa, qonaqların çempionluq üçün nəzəri şansları var idi. Lakin Roman Qriqorçukun yetirmələri bu şansı da əldən verib. Oyun "Kəpəz"in 2:0 hesablı qələbəsi ilə yekunlaşıb. Bununla da gəncəlilər xal hesabını 30-a çatdırıb və 4-cü pillə ilə fərqi 3 xala endirib.
Günün ikinci matçı isə "İnter"lə "Qarabağ" arasında keçrilib. Bürünc medalları təmin edən Bakı klubu bu oyunda qələbə qazanmaqla "gümüş" iddiasını ortaya qoya bilərdi. "Qarabağ" isə qələbə qazanmaqla sona iki tur qalmış çempionluğu bayram etmək niyyətində idi. Qurban Qurbanovun yetirmələri 3:0 hesablı qələbə ilə bu vəzifənin öhdəsindən gəlib. Beləliklə, "Qarabağ" 4-cü mövsümdə də özünü ölkə çempionu elan edib.
Qeyd edək ki, turun iki oyunu dünən baş tutub. "Zirə" - "Sumqayıt" oyunu 1:1 hesabı ilə yekunlaşıb, "Neftçi" AZAL-ı darmadağın edib.
Premyer Liqa
XXVI tur
16 aprel
Kəpəz - Qəbələ 2:0
Qollar: Julien Ebah, 70. Dario Federiko, 90+4.
İnter - Qarabağ 0:3
Qollar: Mahir Mədətov, 4. Dino Ndlovu, 54; 79.
1. Qarabağ 26 17 5 4 42-12 56
2. Qəbələ 26 13 10 3 43-16 49
3. İnter 26 11 10 5 36-28 43
4. Zirə 26 8 9 9 23-26 33
5. Sumqayıt 26 8 8 10 25-32 32
6. Kəpəz 26 7 9 10 21-26 29
7. Neftçi 26 9 2 15 23-40 29
8. AZAL 26 1 7 18 12-45 10
Bombardirlər: Filip Ozobiç (Qəbələ) - 11. Rauf Əliyev (İnter) - 9.
MilliYol.Az
Digər xəbərlər
loading...
