Müğənni Ayan Babakişiyeva 14 yaşında qoşulub, qaçan və 6 aylıq hamilə olsa da, oğlanın ailəsi tərəfindən evdən atıldığını deyən yeniyetmənin sosial şəbəkədə tənqid olunmasına etiraz edib
Musavat.com xəbər verir ki, sənətçi fikirlərini sosial şəbəkədə bölüşüb: “6 aylıq hamilə olan yeniyetmə qız haqda sosial şəbəkədə məlumatlar paylaşılıb. Hamı yazıb ki, kül sənin qız başına. O qızı təhqir ediblər. O 14 yaşındadır, onu qaçıran namussuz qızdan 13 yaş böyükdür. Bu, bilmir ki, ən böyük günahı boynuna alıb? Birincisi qız təmiz, saf olub, ikincisi hamilə qadını tək qoymaq nakişilik, vicdansızlıq və insan adına layiq olmayan bir hərəkətdir. Görəsən,həmişə niyə qadınlar, qızlar qınaq atəşinə tutulur? Kişi istəsə, qadını mələk də, fahişə də edər. O qızcığazı qınayanların çoxu qadınlardır. Bir özünüzü onun yerinə qoyun, burada deməyin ki, mən elə şey etməzdim, tərbiyəli qadınam. Sabah başımıza nəyin gələcəyini bir Allah bilir. Sahiblənməyi bacaraq, onsuz da baltalamaq asandır. Unutmayın ki, kimdə nə yoxdursa, ondan danışır”.
Qeyd edək ki, ötən gün “Xəzər TV”də yayımlanmış "Bizə danış" verilişində yeniyetmə qız 14 yaşında qoşulub, qaçdığını və 6 aylıq hamilə olmasına rəğmən, oğlanın ailəsi tərəfindən evdən atıldığını bildirib. Özündən 13 yaş böyük oğlana qoşulub, qaçan yeniyetmə Xoşqədəm Hidayətqızından kömək istəyib.
Verilişin ekspertlərinin və aparıcının tənqidlərinə tuş gələn qız göz yaşlarını tuta bilməyib.
MilliYol.Az
Digər xəbərlər
loading...
