Bu günlərdə Rusiya prezidenti Vladimir Putin və onun yaxın ətrafının adı daha bir maliyyə fırıldağında çəkilməkdədir
Almaniyanın “Berlingske” qəzetinin verdiyi məlamata görə, Putinə yaxın adamlar və Rusiyanın Federal Təhlükəsizlik Xidməti Danimarkanın ən iri bankı “Bank Danske”nin Estoniya filialında açılan hesablar vasitəsilə külli miqdarda pulu “yuyublar”.
“The Guardian” qəzetinin yazarı Lyuk Qardinqin yazıdğına görə, “Danske bank” həmin hesabların, daha doğrusu, 20 hesabın kimlərə aid olduğunu təsbit edən kimi dərhal onları bağlayıb.
Hazırkı ifşalar Londonda qeydiyyatdan keçən bir firma ilə əlaqədar olub.
2013-cü ilin yayında “Danske Bank”-ın əməkdaşları Lantana Trade LLP adlı firmanın qeydiyyat palatasına yanlış məlumatlar ötürdüyünü aşkar ediblər. Belə ki, firma aktiv fəaliyyət göstərmədiyini və məhdud maliyyə dövriyyəsinə malik olduğu barədə məlumat verib. Əslində isə şirkətin böyük depozitləri varmış və hər il oraya milyonlarla avro axıdılırmış. Lantana-nın “Danske Bank”da açdığı hesab 11 ay qüvvədə olub.
“Lantana”nın əsas sahibləri isə əsasən ruslar imiş. Onların şəxiyyətləri Marşall və Seyşel adalarında yerləşən offşor şirkətləri ilə birlikdə gizli qalıb. Son təsbitlərdə isə “Lantana”nın arxasında məhz Putinin ailəsinin və FTX-nin durduğunu göstərib.
Bununla bağlı detallar Estoniyanın maliyyə kəşfiyyatına və “Danske Bank”ın rəhbərliyinə verilib.
Bu həftənin birinci günü “Danske Bank” özünü Estoniya filialında baş verən maliyyə fırıldaqları ilə bağlı araşdırmalara başladığını duyurub.
“Danske Bank”ın eston menecerləri “Lantana”nın Rusiyanın Podolsk şəhərində yerləşən və adı heç bir yerdə tanınmayan “Promsberbank”la sıx əlaqədə olduğunu müəyyən ediblər. “Promsberbank”ın ən üst idarəçiləri də elə məhz “Lantana”nın nümayəndələri imiş. “Promsberbank”ın idarə heyətinin üzvlərindən biri Vladimir Putinin əmisi oğlu İqor Putindir. Əsas səhmdarı isə Korrupsiya və mütəşəkkil cinayətkarlıq mərkəzinin verdiyi məlumatlara əsaəsn FTX ilə sıx bağlı olan Aleksandr Qriqoryevdir. Digər bir idarəçi isə adı “irimiqyaslı dələduzluqda” hallanan Aleksey Kulikovdur. “Promsberbank” özü bankın depozitlərindən 3 milyard rubl əksik olduğu aşkar edilən kimi çökdürülüb.
İqor Putin
Bu üç adamın adı Almaniyanın “Deutsche Bank”la bağlı qalmaqala qarışıb. Bank özünün Moskva filialının 2011-2015-ci illərdə “güzgü sazişləri” ilə məşğul olduğunu etiraf edib. Bu sxem Rusiyanın VİP müştərilərinə əlaqədar firmaların köməyi ilə rublu dollara çevirmələrinə imkan yaradırmış. Həmin firmalar isə eyni həcmli qiymətli kağızların guya alqı-satqısını həyata keçirirmiş.
Kulikovun da “Danske Bank”da hesabı olub. Bankın sonradan hesablarını bağladığı Chadborg Trade LLP, Cherryfield Management və Financial Bridge adlı şirkətlər “Deutsche Bank”da “güzgü sazişləri”ndə aktiv iştirak ediblər.
Qəzetin verdiyi xəbərə görə, “Danske Bank”ın təhqiqat aparmaq barədə qərarı Moskvada qəzəblə qaşrılanıb. Hesabların əsl sahiblərini kim olduğunu öyrənmək üçün Moskvaya gedən nümayəndəyə olduqca sərt təpki verilib.
Qəzetin yazdığına görə, dələduzluğun miqyası hələ bilinmir. Lakin beynəlxalq maliyyə təhqiqatı məşğul olan Burke Faylsın bildirdiyinə əsasən, söhbət hələ ki 2,2-2,3 milyard dollardan gedir.
Qriqoryev özü dünyada “Qlobal camaşırxana “deyilən daha bir sxemdən istifadə edib. Bu sxemlə 2010-2015- ci illərdə Moskvadan qərb banklarına ən azı 20 milyard dollar pul ötürülüb. Dövlətdən oğurlanan pullar əsasən Moldova və Latviya vasitəsilə “yuyulub”. İqor Putin bu cür dələduzluqla məşğul olan “Russkiy zemelniy bank”adlı bankın da idarə heyətində olub.
“Bu pullar çox güman ki, dövlət şirkətlərindən oğurlama və ya rüşvət, korrupsiya yolu lə əldə edilib. Bütün bu fırıldaqlar Rusiya oliqarxlarının beynəlxalq sanksiyalardan qaçmaq üçün etdikləri cəhdlərdir”,-Kopenhagen universitetinin professoru Ole Rizager “Belinsgske”yə bildirib.
MilliYol.Az
Digər xəbərlər
loading...
