“Formula 1 Azərbaycan Qran Prisi”nə baxmağa Bakıya 94 min azarkeş gəlib

Bu barədə “Formula 1”in mətbuat xidmətinin "Twitter"dəki səhifəsində qeyd olunub.

Belə olan halda Qran Priyə görə Bakıya gələnlərin sayı ötən illə müqayisədə 31 faiz artıb.

Xatırladaq ki, keçən il Bakıda keçirilmiş Formula 1 yarışına 71451 tamaşaçı gəlmişdi.

Qeyd edək ki, 27-29 aprel tarixlərində Bakıda keçirilən 2018 Formula 1 dünya çempionatının 4-cü mərhələsi - Azərbaycan Qran Prisinin qalibi "Mercedes" komandasının pilotu Lyuis Hemilton olub.