Daşkəsəndə həmkəndlisinə güllə atan şəxs tutulub
DİN-dən verilən məlumata görə, iyulun 10-da Daşkəsən rayonunun Əmirvar kəndi ərazisində kənd sakini Sofi Məmmədov münaqişə zəminində sərxoş halda olan həmkəndlisi Elbəyi Məmmədov istiqamətində atəş açıb. Nəticədə E.Məmmədov yüngül xəsarət alıb.
S.Məmmədov Daşkəsən RPŞ-nin əməkdaşları tərəfindən saxlanılıb, ondan müvafiq sənədləri olan “TOZ-16” markalı tüfəng götürülüb.
Araşdırma aparılır.