Ədliyyə Nazirliyi Penitensiar Xidmətinin əməliyyat aparatının müxtəlif cinayətlərin üstünün açılması istiqamətində respublikanın hüquq-mühafizə orqanları ilə qarşılıqlı əməkdaşlığı davam edir
Xidmətin ictimaiyyətlə əlaqələr şöbəsindən bildiriblər ki, qurumun və 16 saylı cəzaçəkmə müəssisəsinin əməliyyat aparatlarının, Daxili İşlər Nazirliyinin Sabunçu Rayon Polis İdarəsinin 15-ci Polis Bölməsi əməkdaşlarının birgə keçirdikləri əməliyyat tədbiri nəticəsində Cinayət Məcəlləsinin 221.3-cü, 228.2.1-ci, 66.2-ci və 67.1-ci maddələri ilə 6 il 6 ay müddətinə azadlıqdan məhrum edilmiş Bodurov Vüqar Nizaməddin oğlunun həbs edilməmişdən əvvəl Zabrat qəsəbəsi ərazisində gizlətdiyi 1 ədəd lüləsi və qundağı kəsilmiş 3-17 modelli, tək lüləli, 16 kalibrli tüfəng və nömrəsi oxunmayan tapança tipli silah aşkarlanaraq götürülüb.
Fakt üzrə Sabunçu Rayon Polis İdarəsinin 15-ci Polis Bölməsi tərəfindən araşdırma aparılır.(virtualaz.org)
MilliYol.Az