Astara rayon sakini evində ölü tapılıb
APA-nın cənub bürosunun məlumatına görə, rayonun Kolatan kənd sakini Vüsal Qasım oğlu Hüseynov hələlik məlum olmayan şəraitdə baş nahiyəsindən küt alətlə vurularaq öldürülüb.
40-45 yaşlarında olduğu bildirilən V.Hüseynov evdə tək yaşayırmış. O, bir neçə gün əvvəl Rusiya Federasiyasından rayona qayıdıb.
Meyit müayinə olunmaq üçün Məhkəmə Tibbi-Ekspertiza və Patoloji Anatomiya Birliyinin Lənkəran Şəhər Şöbəsinə təhvil verilib.
Faktla bağlı araşdırma aparılır.
MilliYol.Az