Bu barədə Departamentin sədri Frits Ştuxlik affa.az-a açıqlamasında bildirib
Topaz Premyer Liqasının IX turu çərçivəsində keçirilmiş “Sumqayıt” – “Qəbələ” oyununun baş hakimi Orxan Məmmədovun idarəçiliyi və oyundan sonra müxtəlif mənbələrdə səsləndirilən ayrı-ayrı fikirlərlə bağlı AFFA-nın Hakimlər Departamentində araşdırmalara başlanılıb.. O deyib ki, araşdırmalar başa çatanadək O.Məmmədova təyinat verilməyəcək: “Təbii ki, hər turun oyunları diqqət mərkəzində saxlanılır, oyunlardan sonra müvafiq təhlillər aparılır. Son günlərin müzakirə mövzusuna çevrilmiş “Sumqayıt” – “Qəbələ” oyununda hakim idarəçiliyi də bu baxımdan istisna deyil. Həmçinin, oyundan sonra səsləndirilən bəzi fikirlərlə tanışıq. Hakimlər Komitəsi bir müddət əvvəl bütün hakimlərə, hakim-inspektor və AFFA nümayəndələrinə yazılı şəkildə bildirib ki, oyun dövrü istisna olunmaqla, klub nümayəndələri ilə hər hansı şəkildə ünsiyyət qurulmamalıdır. Zərurət yaranarsa, Hakimlər Komitəsi tərəfindən mərkəzləşdirilmiş qaydada elektron poçt vasitəsilə əlaqə saxlanılmalı, klub rəsmiləri ilə telefon danışığı da olmamalıdır.
Populyarxəbərlər
F.Ştuxlik bir daha bəyan edib ki, hakimlər, hakim-inspektorlar və AFFA nümayəndələri təkcə təyinat aldıqları oyunlarda deyil, digər vaxtlarda da peşələrinin tələb etdiyi məsələlərə həssas yanaşmalı, açıqlamalarında, səsləndirdikləri fikirlərdə diqqətli olmalıdırlar.
Qeyd edək ki, “Qəbələ”nin meneceri Səbuhi Səfiyarlı mətbuata açıqlamasında Orxan Məmmədovun ona Qəbələdə məşq üçün şərait yaratmadıqları üçün “qırmızı-qaralar”dan qisas alacağı ilə hədələdiyini bildirib/Report.
MilliYol.Az
Digər xəbərlər
