Şəmkirdə yol qəzası: 4 yaralı

Hadisə Bakı-Qazax avtomobil yolunun Şəmkir rayon ərazisindən keçən hissəsində, şadlıq saraylarının birinin önündə baş verib. Hərəkətdə olan "Mercedes-Benz" markalı avtomobillə digər bir avtomobilin toqquşması nəticəsində 4 nəfər müxtəlif bədən xəsarətləri alaraq Şəmkir rayon Mərkəzi Xəstəxanasına yerləşdiriliblər.

Onlardan, 1988-ci il təvəllüdlü Xaliq Rüstəmov, 1967-ci il təvəllüdlü Cabir Səfərov və 26 yaşlı Hüseyn adlı şəxs travmatologiya şöbəsinə yerləşdirilib. Daha bir nəfərin vəziyyətinin isə qənaətbəxş olduğu bildirilir.

Hadisənin səbəbləri Baş Dövlət Yol Polisi İdarəsinin əməkdaşları tərəfindən araşdırılır. (report.az)