Qurum məzənnə fərqinə görə 968,7 milyon manat zərərə düşüb
2018-ci ilin yanvar–sentyabr ayları ərzində kası Dövlət Neft Fondunun (ARDNF) büdcə gəlirləri 14 milyard 437,2 milyon manat, büdcə xərcləri isə 8 milyard 005,9 milyon manat təşkil edib.
Fondun İctimaiyyətlə əlaqələr xidmətindən verilən məlumata görə, builin yanvar–sentyabr ayları ərzində ARDNF-nin neft və qaz sazişlərinin həyata keçirilməsi ilə bağlı gəlirləri 13 milyard 441,6 milyon manat, o cümlədən mənfəət neftinin və qazın satışından 12 milyard 658,1 milyon manat, bonus ödənişləri 765,2 milyon manat, akrhesabı ödənişləri 4,1 milyon manat, tranzit gəlirləri 14,2 milyon manat olub.
Populyarxəbərlər
Hesabat dövrü ərzində ARDNF-nin vəsaitlərinin idarə olunmasından əldə edilən gəlirlər 995,6 milyon manat təşkil edib.
Hesabat dövrü ərzində Fondun xərclərinə gəlincə, ən çox vəsait - 7 milyard 788,0 milyon manat dövlət büdcəsinə transfert edilib. Bundan əlavə, qaçqın və məcburi köçkün ailələrinin məskunlaşdırılması və sosial-məişət vəziyyətinin yaxşılaşdırılması üzrə tədbirlərin həyata keçirilməsinə 138,6 milyon manat, Samur-Abşeron suvarma sisteminin yenidən qurulmasına 41,7 milyon manat, Bakı-Tiflis-Qars yeni dəmir yolu layihəsinin maliyyələşdirilməsinə 16,7 milyon manat vəsait ayrılıb. Daha 5,0 milyon manat "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı"nın maliyyələşdirilməsinə yönəldilib. 2018-ci ilin yanvar-sentyabr ayları ərzində ARDNF-nin idarə edilməsinə 15,9 milyon manat xərclənib.
Valyuta məzənnələrinin dəyişməsindən yaranan fərq ilə bağlı ARDNF-nin büdcədənkənar xərci 968,7 milyon manat təşkil edib.
Beləliklə, 2018-ci il oktyabrın 1-ə ARDNF-nin aktivləri 2018-ci ilin əvvəlinə (35 806,5 milyon ABŞ dolları) nisbətən 8,88 faiz artaraq 38 milyard 987,7 milyon ABŞ dolları olub.
MilliYol.Az
Digər xəbərlər
