Ermənistanın baş naziri Nikol Paşinyan ölkənin ikinci prezidenti Robert Koçaryana “ilişdiyinə” görə peşman olacaq
R.Koçaryanın “Mediamaks” agentliyinə müsahibəsində Paşinyanı düşmən hesab edib-etmədiyi ilə bağlı suala verdiyi cavabdan belə qənaətə gəlmək olar.
“Söhbət siyasi proseslərdən gedirsə, mən belə söhbətlərə öyrəşməmişəm. Ancaq o, mənə “ilişdiyinə görə” peşman olacaq.
Düşünmürəm ki, qorxmuş hakim mənə nifrət etdiyinə görə prosesi gecə 01:30-a təyin edib. Bunun kimə lazım olduğunu başa düşürəm”, - deyə Ermənistanın ikinci prezident bildirib.
Ermənistanda hakimiyyət dəyişikliyindən sonra Paşinyanla müxtəlif cəbhələrdə yer almasının səbəbi ilə bağlı məsələyə münasibət bildirən Koçaryan deyib ki, o bu sualın cavabını bilmir, ancaq görünür, baş nazir onda hansısa təhlükəni görür.
Koçaryan bəyan edib ki, hakimiyyətə tamamilə fərqli geosiyasi prioritetlərə malik komanda gəlib.
Populyarxəbərlər
“O, vəziyyəti 180 dərəcə dəyişməyə çalışırdı, ancaq buna inanmıram. Onun bunu başa düşməsi üçün vaxt lazımdır: Bu, oyundur ya ciddiyyət?”, - o əlavə edib.
Koçaryan qeyd edib ki, prezident olan zaman onun Rusiya prezidenti Vladimir Putinlə dostluq əlaqələri olub. Bu əlaqələr indi də davam edir: “Biz son 10 ildə bu əlaqələri davam etdiririk, ancaq mən heç vaxt bu əlaqələrdən hansısa məqsədlər üçün istifadə etməmişəm”.
MilliYol.Az
Digər xəbərlər
