İsmayıllı Rayon İcra Hakimiyyətinin başçısı Nahid Bağırovun başının üzərini "qara buludlar" alıb.
Qaynarinfo xəbər verir ki, İsmayıllı şəhər icra nümayəndəsi Əlişir Süleymanovun və rayonun Diyalı bələdiyyə sədri vəzifəsini icra edən sədr müavini Cahangir Surxayevin saxlanılması Nahid Bağırovun karyerası üçün ciddi təhlükəyə çevrilib.
Ehtimal olunur ki, bu əməliyyat icra başçısının vəzifəsinə əlvida deməsini şərtləndirə bilər. Əlişir Süleymanov və Cahangir Surxayev Baş prokuror yanında Korrupsiyaya Qarşı Mübarizə İdarəsinin keçirdiyi əməliyyat nəticəsində saxlanılıb.
ƏIişir Süleymanova Cinayət Məcəlləsinin 311.3.2 və 311.3.3 (təkrar və külli miqdarda rüşvət alma) maddələri, Cahangir Surxayevə isə həmin Məcəlləsinin 309.1 (vəzifə səlahiyyətlərini aşma), 311.3.3 (külli miqdarda rüşvət alma) və 313-cü (vəzifə saxtakarlığı) maddələri ilə ittiham elan edilmiş, müstəntiqin vəsatəti və ibtidai araşdırmaya prosessual rəhbərliyi həyata keçirən prokurorun təqdimatı əsasında onların hər ikisi barəsində Binəqədi Rayon Məhkəməsinin qərarı ilə həbs qətimkan tədbiri seçilib.Əlişir Süleymanova Cinayət Məcəlləsinin 311.3.2 və 311.3.3 (təkrar və külli miqdarda rüşvət alma) maddələri, Cahangir Surxayevə isə həmin Məcəlləsinin 309.1 (vəzifə səlahiyyətlərini aşma), 311.3.3 (külli miqdarda rüşvət alma) və 313-cü (vəzifə saxtakarlığı) maddələri ilə ittiham elan edilmiş, müstəntiqin vəsatəti və ibtidai araşdırmaya prosessual rəhbərliyi həyata keçirən prokurorun təqdimatı əsasında onların hər ikisi barəsində Binəqədi Rayon Məhkəməsinin qərarı ilə həbs qətimkan tədbiri seçilib.
Əlişir Süleymanovla Cahangir Surxayevin rüşvət və vəzifə saxtakarılığında ittiham edilməsi Nahid Bağırovun fəaliyyətinin yoxlanılması üçün ciddi əsas sayıla bilər. Hər halda adıçəkilən şəxslərin törətdiyi qanunsuz əməllərin özfəaliyyət olduğuna inanmaq çətindir.
Nahid Bağırov İsmayıllının icra başçısı vəzifəsinə 2020-ci ildə təyin edilib. Həmin vaxt hakimiyyət idarəetmədə islahatlara başladığını bəyan etmişdi. Rəsmi təbliğatın ana xəttini vəzifələrə yeni və gənc kadrların təyin edilməsi tuturdu. Bu, cəmiyyətdə birmənalı qarşılanmasa da, əksəriyyət uzun illər vəzifədə kök atmış məmurların yeni və gənc kadrlarla əvəzlənməsi siyasətinə dəstək verirdi.
Nahid Bağırov da gənc kadr kimi icra başçısı vəzifəsinə təyin edilmişdi. Lakin bir neçə ay keçəndən sonra "restoran qalmaqalı" ilə gündəmə gəldi. O zaman Nahid Bağırovun gənc və təcrübəsiz olması nəzərə alınaraq ona toxunulmasa da, Prezident İlham Əliyev sərəncamı ilə töhmət verilmişdi. Sərəncamda deyilirdi ki, İsmayıllı Rayon İcra Hakimiyyətinin başçısı Nahid Rza oğlu Bağırova Azərbaycan Respublikasının ərazisində koronavirus infeksiyasının (COVİD-19) yayılmasının qarşısının alınması məqsədilə tətbiq olunmuş xüsusi karantin rejimi qaydalarını pozduğuna görə töhmət elan edilib.
Amma artıq Nahid Bağırov 5 ildir İsmayıllıya rəhbərlik edir. Bu müddət ərzində o, hər hansı bir müsbət addımı ilə yadda qalmayıb. İsmayıllıda da müsbətə doğru hansısa dəyişiklik nəzərə çarpmır. Əksinə, Nahid Bağırova tabeli şəxs - icra nümayəndəsi rüşvət ittihamı ilə saxlanılır.
Görünən odur ki, Nahid Bağırov 5 il ərzində təcrübə toplaya bilməyib, yaxud o, yeni konfiqrasiyaya uyğunlaşmaqda çətyinlik çəkir.
Digər xəbərlər
