“CARÇIOGLU GROUP” MMC-nin nəzdində fəaliyyətə başlayan “Göyəzən kursları” artıq 6 ildir ki, uğurlu fəaliyyəti ilə təhsilə öz töhfəsini verməkdədir. “Göyəzən kursları”nın təsisçisi “CARÇIOGLU GROUP” MMC-nin prezidenti Elçin Carçıyev, direktoru isə Taleh Həsənovdur.
Kurslarda IX və XI siniflər üçün abituriyent, IV – VIII siniflər üçün isə təkmilləşdirmə dərsləri keçirilir. Həmçinin MİQ hazırlığı, 5-12 yaşlı uşaqlar üçün mental arifmetika dərsləri və digər hazırlıqlar keçirilir. Fəaliyyət göstərdiyi illər ərzində kursun 112 məzunundan 103 nəfəri müxtəlif ali məktəblərə qəbul olub. Onlardan 10 nəfəri 600-dən, 21 nəfəri isə 500-dən çox bal toplayıb. Qəbul imtahanlarında yüksək nəticə göstərən dinləyicilərə pul və qiymətli hədiyyələr təqdim olunur. Kursların Ağstafa və Tovuz rayonlarında da filialları fəaliyyət göstərir.Abituriyentlərin təhlükəsizliyini nəzərə alaraq kursların marşrut servisi də fəaliyyət göstərir.
Hər il aprel ayında kurslara qəbul imtahanları keçirilir.
“Göyəzən kursları”na güvənən abituriyentlər qəbul imtahanlarında yüksək nəticə göstərərək ölkənin qabaqcıl universitetlərində təhsil alırlar. “Göyəzən kursları” həmçinin mütəmadi olaraq “Brey Rinq” bilik yarışmaları keçirir. Yarış barədə məlumat almaq üçün təhsil müəssisəsinin direktoru Taleh Həsənovla həmsöhbət olduq.
Taleh Həsənovun yarışların uğurla, ruh yüksəkliyi ilə keçirildiyini qeyd etdi: “Ötən ay keçirilən yarışmada rayon və kənd məktəblərindən 33 komanda, ümumilikdə 165 nəfər şagird iştirak etmişdir. Yekunda Hüseynbəyli kənd tam orta məktəbinin “Cəsurlar” komandası 1-ci yerə, Kəmərli kənd tam orta məktəbinin “Zəka” komandası 2-ci yerə, Qazax şəhər 1 saylı tam orta məktəbin “Göyəzən 1” komandası 3-cü yerə layiq görülmüşdür. Yarışın qalibləri olan 3 komandanın hər bir üzvü kursumuzun rəhbərliyi tərəfindən qiymətli hədiyyələrlə mükafatlandırıldı və sertifikatlarla təltif olundu”.
Taleh Həsənov sonda onlara dəstək olan hər kəsə minnətdarlığını bildirdi. “Bizimlə əməkdaşlıq edib işlərimizdə dəstək olan Qazax Rayon Təhsil Şöbəsinə, məktəb rəhbərlərinə, məktəblər üzrə yarış məsulu olan təşkilatçılara təşəkkürümüzü bildiririk. Bizə hər bir təşkilatı işdə maddi və mənəvi dəstək olan kursumuzun təsisçisi Elçin Carçıyevə minnətdarlığımızı bildiririk”.
Fotolar
Digər xəbərlər
