Rusiya Federal Təhlükəsizlik Xidmətinin (FTX) əməkdaşı, Baş Kəşfiyyat İdarəsinin polkovniki Sergey Skripalın qızı Yuliya Skripalın nişanlısı itkin düşüb
“Report” “Daily Mirror”a isinadən xəbər verir ki, onun maşını Moskvada yaşadığı binanın girişində saxlanılmış vəziyyətdədir. Yuliyanın nişanlısının Nuar adlı iti isə yarım ildir sığınacaqda saxlanılır.
Yuliyanın 45 yaşlı əmisi qızı Viktoriya Skripal da Rusiya hərbi kəşfiyyatının onu izləyəcəyindən ehtiyat etdiyini söyləyib. O deyib ki, xəstəxanadan çıxdıqdan sonra nə əmisi, nə də Yuliya ilə əlaqə saxlaya bilməyiblər. Yuliya Skripal isə nişanlısını Rusiya Baş Kəşfiyyat İdarəsininin agenti olması ehtimalını irəli sürüb.
Xatırladaq ki, rusiyalı hərbi kəşfiyyatçı, 1999-cu ilə qədər Rusiya BKİ-nin əməkdaşı olan Sergey Skripal və onu görmək üçün Moskvadan gəlmiş 33 yaşlı qızı Yuliya martın 4-də Solsberidə ticarət mərkəzinin yaxınlığındakı oturacaqda huşsuz vəziyyətdə tapılıb. Onlar nadir əsəb iflic edən maddədən zəhərlənmə diaqnozu ilə təcili surətdə xəstəxanaya çatdırılıblar. Ata və qızı reanimasiyada koma vəziyyətində olub. Bu hadisə nəticəsində 21 nəfər, o cümlədən hadisə yerinə ilk çatan Nik Beyli adlı polis əməkdaşı da zəhərlənib.
Britaniya hökuməti S.Skripalın zəhərlənməsini sui-qəsd cəhdi kimi qiymətləndirib və bu işdə Moskvanı ittiham edib. Rusiya tərəfi isə ittihamları qəti şəkildə rədd edib, amma istintaqla bağlı əməkdaşlıq etməyə hazır olduğunu bildirib.
MilliYol.Az
Digər xəbərlər
