Cavid Qurbanov gələcək nəsillərə İlham Əliyevin töhvəsini çatdıra biləcəkmi?

Azərbaycan şimaldan cənuba, şəqdən qərbə və əksinə, yəni Avrasiya materikində bütün istiqamətlərə uzanan dəmir yollarını özündə birləşdirən bir qovşaq ölkəyə çevrilməsi Azərbaycan hökümətinin və şəxsən prezident İlham Əliyevin son illərdə yürütdüyü iqtisadi və geosiyasi siyastəin əsasını təşkil edir. Bu məsələ eyni zamanda Azərbaycan hökümətinin milli strategiyasının əsaslarından birini təşkil edir. Cavid Qurbanov Arif Əsgərovun dəmir yollarında yaratdığı acınacaqlı vəziyyəti ən qısa zamanda ortadan qaldıraraq, ölkə prezideti İlham Əliyevin Azərbaycanın gələcəyinə töhvəsini layiqincə çatdırmaqla vəzifəlidir.

Müstəqillik əldə etdikdən sonra Azərbaycanın əsas milli sərvətlərindən biri, bəlkə də birincisi geosiyasi əhəmiyyətidir. Bir anlamda bu gün Azərbaycan Avrasiyanın “göbəyi” rolunu oynamaqdadır. Və Azərbaycan özünün bu geosiyasi əhəmiyyətindən maksimum şəkildə yararlanmalıdır. Qeyd etməliyik ki, bu gün Gürcüstan Azərbaycanın Ermənistanla Dağlıq Qarabağ münaqişəsindən yaralanaraq, demək olar ki, öz büdcəsinin böyük hissəsini əsasən coğrafi imkanlarından yararlanaraq formalaşdırır. Yəni faktiki olaraq uzun illərdir ki, Gürcüstan iqtisadiyyatı Azərbaycanının transmilli layihələrinin tranzit ölkəsi olaraq formalaşıb. 

Neftin qiymətinin kəskin şəkildə aşağı düşdüyü və eyni zamanda Azərbaycanın neft və qaz ehtiyatlarının azaldığı indiki şəraitdə Azərbaycanın Şərq-Qərb və Şimal-Cənub dəhlizində əsas tranzit ölkəyə çevrilməsi bir nömrəli dövlət vəzifəsi olaraq ortaya çıxıb. Şərqdən Qərbə və Şimaldan Cənuba gedən tranzit yolların Azərbaycandan keçməsi üçün kompleks tədbirlərin həyata keçirilməsi üçün ümummilli lider Heydər Əliyevin zamanında əsaslı və məqsədyönlü işlər görülüb. 

“Əsrin müqaviləsi” imzalandıqlan sonra demək olar ki, Azərbaycanın geosiyasi əhəmiyyəti dünya miqyasında hiss olunacaq dərəcədə artdı. Elə o dövrdən başlayaraq Azərbaycan bir tranzit ölkəsi olaraq Rusiya və İranın əsas rəqiblərindən birinə çevrildi. Bu sahədə ümummilli liderin verdiyi əməklər sahəsində Azərbaycan ABŞ-ın, Avropa Birliyi ölkələrinin, Rusiyanın Türkiyənin, Çinin, Yaxın və Orta Şərq ölkələrinin etibarlı iqtisadi tərfdaşına çevrildi. Təkcə onu demək kifayətdir ki, ümummilli lider Heydər Əliyevin prezidentliyi dönəmində əsas tranzit xəttlərinin Azərbaycandan keçməsi üçün bütün zəruri addımlar atıldı, Azərbaycanın geosiyasi əhəmiyyəti lazımı səviyyədə dəyərlənlirilərək ölkəmizin gələcəyi üçün əhəmiyyətli olan strateji planların təməli atıldı. Artıq əminliklə demək olar ki, Heydər Əliyevin vediyi böyük əməklər indi öz bəhərsini verməkdədir. Heydər Əliyev yolunun layiqli davamçısı olan Azərbaycan prezidenti İlham Əliyevin son illər yürütdüyü siyasətin uğurlu nəticələri də artıq göz qabağındadır. Artıq demək olar ki, Azərbaycan Şimal-Cənub, Şərq-Qərb nəqliyyat dəhlizləri üçün vaz keçilməz ölkədir. Bu nəqliyyt dəhlizlərinin ölkəmizdən keçməsi Azərbaycanın gələcəyi üçün çox önəmlidir və prezident İlham Əliyevin bu sahədə bu gün həyata keçirdiyi böyük işlər, strateji dayihələr gələcək nəsillərmiz üçün böyük sərmayə hesab oluna bilər. Artıq əminliklə demək olar ki, Azərbaycan istər Asiya qitəsinin aparıcı dövlətləri üçün, istərsə də aparıcı Qərb dövlətləri üçün strateji əhəmiyyət kəsb edir və bu da bizim milli təhlükəsizliyimiz üçün xüsusi əhəmiyyət kəsb edir.

Azərbaycanın nəqliyyat dəhlizi kimi istər quru, istər su, istərsə də hava yollarında əhəmiyyəti şübhəsizdir və bu əhəmiyyt beynəlxalq miqyasda hər gün daha böyüyür. Bu baxımdan dəmir yolu nəqliyyat dəhlizi də böyük əhəmiyyt kəsb edir və demək olar ki, Azərbaycan şimaldan cənuba, şəqdən qərbə və əksinə, yəni Avrasiya materikində bütün istiqamətlərə uzanan dəmir yollarını özündə birləşdirən bir qovşaq ölkəyə çevrilməsi Azərbaycan hökümətinin və şəxsən prezident İlham Əliyevin son illərdə yürütdüyü iqtisadi və geosiyasi siyastəin əsasını təşkil edir. Bu məsələ eyni zamanda Azərbaycan hökümətinin milli strategiyasının əsaslarından birini təşkil edir. 

Bir zamanlar belə bir deyim vardı: “Bütün yollar Romaya gedir”. İndi isə Azərbaycan prezidenti İlham Əliyevin yürütdüyü siyasət belə deməyə imkanverir: “Bütün yollar Bakıdan keçir”. Ölkə prezidentinin bu səhəyə verdiyi önəmi nəzərə alarsaq, deməliyik ki, nəqliyyat dəhlizlərinin Azərbaycandan keçməsi nə qədər əhəmiyylidisə, bu dəhlizin problemsiz işləməsi də bir o qədər önəmlidir. Bunun üçün isə Azərbaycanın bütün dəmir yollarında infrastruktur yenilənməli, ən son texnologiya ilə təchiz olunmalı və bu sahədə peşəkarlar çalışmalıdır.

Çox təəssüf hissi ilə qeyd etməliyik ki, “Azərbaycan Dəmir Yolları” Qapalı Səhmdar Cəmiyyəti Arif Əsgərovun rəhbərliiy altında fəaliyyt göstərdiyi 2004-2015-ci illərdə qarşıya qoyulan vəzifələrin öhdəsindən gələ bilməyib. Halbuki, Azərbaycanın güclü gəlirlərinin olduğu bu illərdə Azərbaycanın dəmir yollarının bütün infrastrukturu dəyişdirilə, ölkəmizin dəmir yoları yeni teplovozlarla, vaqonlarla və ən son texnologiya ilə təchiz oluna bilərdi. Lakin böyük təəssüf hissi ilə qeyd etməliyik ki, bu baş verməyib və faktiki olaraq fürsət əldən verilib. Bəs bunun səbəbi nə olub. Niyə “Azərbaycan Dəmir Yolları” Qapalı Səhmdar Cəmiyyətinin rəhbərliyi qarşılarında duran vəzifələrin əhəmiyytini dərk etməyiblər və doğurdanmı dərk etmyiblər? 

Azərbaycanın nəqliyyat dəhlizi kimi əhəmiyytini ölkə prezidenti demək olar ki, hər çıxışında vurğulayıb. Və Azərbaycan hakimiyyətinin bu sahəyə verdiyi önəmi açıq-açıq dilə gətirib. Hər halda, hazırda Nəqliyyat Nazirliyində nazir müavini kürsüsündə oturan Arf Əsgərov dövlətin və ölkə prezidentinin “Azərbaycan Dəmir Yolları” QSC-yə ögey münasibətindən şikayət edə bilməz. Heç kimə sirr deyil ki, dövlətin son on ildə “Azərbaycan Dəmir Yolları” QSC-yə kifayət qədər maliyyə vəsaiti ayrılıb. Bəs bu vəsaitlər istiqamətinə görə, yəni Azərbaycanın dəmir yollvarının infrastrukturunun yenilənməsinə yönləndirilibmi? Çox böyük təəssüf hissi ilə deməliyk ki, yönləndirilməyib. Əlbəttə həmin vəsaitəlrinin hansı istiqamətə yönlədirilməsini araşdırmaq və buna görə məsuliyyət müəyyənləşdirmək hüquq-mühafizə orqanlarının işidir. 

Biz sadəcə onu demək istəyirik ki, Cavid Qurbanovun il yarım əvvəl “Azərbaycan Dəmir Yolları” QSC-yə sədr gətirilməsindən sonra görülən işləri nəzərə almazsaq, demək olar ki, Azərbaycan dəmir yoları sistemi 20-ci əsrin 70-ci illərindən sonra heç bir yeniliyə məruz qalmayıb. Bunu dəmir yollarının üzərinə çızdığımız zaman açıq şəkildə görürük. Hətta qatara minib harasa səfər eləməyə belə lüzum yoxdur. Dəmir yollarını gördüyümüz zaman hər şey özü-özünə aydın olur. Aydın olur ki, Arif Əsgərov nəinki üzərinə düşən strateji əhəmiyytli vəzifədən xəbərsiz olub, hətta dövlətin ayırdığı külli miqdarda vəsaiti küləyə sovurub. İki gün əvvəl “Azərbaycan Dəmir Yolları” QSC-nin sədri Cavid Qurbanovun mətbuata verdiyi açıqlamalar da bunu isbat etməkdədir. Qeyd edək ki, Cavid Qurbanov mətbuta verdiyi açıqlamasında Arif Əsgərovun təqribən 11 illik fəaliyyətini çox sərt şəkildə tənqid etmişdi.

Sitat: “Lokomotiv parkı yox dərəcəsində idi. 10-12 yaşında elektrovoz və teplovozlar alınaraq, Azərbaycana gətirilmişdi. Rusiyada 20-30 il istismar olunmuş, sonradan təmir olunmuş lokomotivlər alınırdı. Başladıq vaqon parkında araşdırma aparmağa.  Gördük ki, 2023-cü ilədək belə davam etsə, parkımızda 123 vaqon qalacaq, qalanları sıradan çıxacaq. Yol infrastrukturunda rabitə sistemi yox dərəcəsində idi. Vəziyyət o həddə idi ki, maşinistlər bir-biri ilə mobil telefonla əlaqə saxlayırdı. İşlərin əksəriyyətində geriləmə var idi. Yol təsərrüfatında olan ağac tirlərinin 70%-i yararsız vəziyyətdə olub. Təhlükəsizlik sıfır dərəcəsində, depo və binalarımız yox vəziyyətdə idi. Başqa sözlə, hara ayaq qoyurduqsa, orada bir dərd var idi”.

Cavid Qurbanov tərəfindən dəmir yollarındakı vəziyyətin bu qədər acınacaqlı olduğunu etiraf olunması əslində Arif Əsgərovun Şimal-Cənub, Şərq-Qərb nəqliyat yollarının qovşaq ölkəsi kimi görə bilməməsinin açıq göstəricisidir. Hər halda biz Arfi Əsgərovun bilərəkdən, prezidentin strateji layihəsini sabotaj etdiyini iddia etmək fikrindən uzağıq. Amma fakt faktlığında qalır və bu fakt bizə vəziyyətin doğurdan faciəvi olduğunu göstərir. Bizim üçün isə maraqlı olan odur ki, bu gün yaranmış bu vəziyyətə görə Arif Əsgərov və Nəqliyyat naziri Ziya Məmmədov üzərlərinə düşən məsuliyyəti dərk edirlərmi?

Yəqin elə bu üzdən ölkə prezidenti İlham Əliyev Azərbaycanı dəmir yollarındakı bərbad vəziyyəti ortadan qaldırmaq məqsədi ilə Cavid Qurbanovu təyin edərək onun üzərinə bu strateji sahədəki acınacaqlı durumu ən qısa zamanda normallaşdırmaq vəzifəsini qoyub. Və insafən demək lazımdır ki, Cavid Qurbanov onun üzərinə qoyulan vəzifənin məsuliyyətini dərk edir və bu vəzifəni yerinə yetirmək üçün sözün həqiqi mənasında əlini daşın altına qoyub. 

Açığı bu yazını yazarkən bizim məqsədimiz heç də kimisə qaralamaq, kimisə tərifləyib göyə qaldırmaq deyil. Sadəcə həqiqətləri olduğu kimi ortaya qoymaqdır. O həqiqəti ki, biz bəzi məmurların yarıtmazlığı və korrupsiyaya qurşanmaları ucbatından çox böyük fürsətləri və imkanları itirmişik və hazırda nə havaya sovrulan resursları, nə də həmin fürsətləri geri qaytara bilmərik. Buna görə isə günahkar məmurların məsuliyyətdən qaçmaları, daha doğrusu onların məsuliyyətə cəlb olunmamaları ancaq təəssüf hissi doğurur və cəzasızlıq şəraitinin hökm sürməsi təbii olaraq yeni fürsətlərin və maliyyə vəsaitlərinin havaya sovurulması üçün mübit şərait yaratmaqdadır.

Əgər biz həqiqət naminə Cavid Qurbanovun il yarım müddətində Azərbaycan Dəmir Yolları” QSC-nin sədri vəzifəsində fəaliyytinə nəzər salarsaq, o zaman bir şeyi müşahidə edəcəyik. Cavid Qurbanov Azərbaycan Dəmir Yolları” QSC-nin sədri kimi vəzifəyə başladıqdan sonra geosiyasi layihələrə, xüsusən də, Şimal-Cənub və Şərq-Qərb nəqliyat dəhlizləri layihələrinin reallaşmasına xüsusi önəm verir. Yəni faktiki olaraq Cavid Qurbanov üzərinə düşən vəzifəni və bu vəzifənin məsuliyyətini dərk edir və Azərbaycanın strateji əhəmiyytli layihələrdə yer alması üçün bütün imkanları səfərbər edib. O, ölkə prezidentinin geosiyasi strategiyasını reallışdırmaq üçün bütün resursları da səfərbər edib. 

İnsafən demək lazımdır ki, artıq dəmir yollarının infrastrukturu dəyişir və zamanın tələblərinə cavab verən bir dəmir yoları sisteminin qurulması üçün işdərə start verilib. Bu işlərin ən yaxın zamanda bitməsi isə Azərbaycan üçün həyati əhəmiyytlidir. Ona görə ki, Azərbaycan dəmir yolları Şimal-Cənub və Şərq-Qərb nəqliyyat yollarının işə düşməsindən sonra bütün parametrləri ilə daşınacaq yüklərin problemsiz və gecikmədən, tıxac yaratmadan, ən qısa zamanda mənzilə çatdırılması təmin olunmalıdır. 

Biz bu çətin işdə Cavid Qurbanova sadəcə uğurlar arzulayırıq. Və arzu edirik ki, Cavid Qurbanov doğurdan ən qısa zamanda Arif Əsgərovun dəmir yollarında yaratdığı acınacaqlı vəziyyəti ortadan qaldıraraq Azərbaycanın gələcəyinə ölkə prezideti İlham Əliyevin töhvəsini layiqincə çatdırsın.