Daşkəsəndə güclü yağış fəsadlar törədib.
APA-nın yerli bürosunun məlumatına görə, leysan yağışları nəticəsində ümumi uzunluğu 3 km olan Daşkəsən-Alunitdağ avtomobil yolunun 2-ci km-də sürüşmə baş verib. Nəticədə yol bağlanıb. Əraziyə "31 saylı Yol İstismarı" MMC-nin, digər qurumların əməkdaşları cəlb edilib.
Tədbirlər nəticəsində yolda hərəkət qismən təmin edilib. Daşkəsən Rayon Fövqəladə Hallar Komissiyasından bildirilib ki, hazırda ərazidə bərpa işləri davam edir.
