Bu ilin iyul ayında Dini Qurumlarla İş üzrə Dövlət Komitəsi tərəfindən Azərbaycanda 26 yeni dini icma qeydiyyata alınıb
Bu barədə Trend-ə Komitədən məlumat verilib.
Qeyd olunub ki, dini qurumların yenidən dövlət qeydiyyatına alınması prosesi başlayandan – 01.09.2009-cu ildən etibarən Azərbaycanda komitə tərəfindən 835 dini icma dövlət qeydiyyatına alınıb.
Konfessional baxımdan onların 804-ü İslam, 31-i isə qeyri-islam (xristian – 20; yəhudi – 8; krişna – 1; bəhai – 2) təmayüllüdür.
2018-ci ildə qeydiyyatdan keçən dini icmaların sayı ümumilikdə 39-dur. Bunların 13-ü aprel ayında, 26-sı isə iyul ayında qeydiyyata alınıb.
