"Bu gün mənim sərəncamımla Mehriban Əliyeva Azərbaycanın birinci vitse-prezidenti vəzifəsinə təyin edilib. Mehriban Əliyeva uzun illərdir ki, ölkəmizin ictimai-siyasi həyatında, mədəni həyatında fəal rol oynayıb".
MilliYol.Az xəbər verir ki, bunu fevralın 21-də Təhlükəsizlik Şurasının iclasında Azərbaycan Prezidenti İlham Əliyev deyib.
Mehriban Əliyevanı Təhlükəsizlik Şurasının üzvlərinə təqdim edən dövlət başçısı bildirib: "Mehriban Əliyeva uzun illərdir ki, ölkənin ictimai-siyasi, mədəni həyatında mühüm və fəal rol oynayır. O, Yeni Azərbaycan Partiyasının sədr müavinidir. YAP aparıcı siyasi qüvvə kimi Cənubi Qafqazın ən böyük partiyasıdır.
Mehriban Əliyeva 2005-ci ildən bəri Mili Məclisin deputatıdır. Deputat kimi çox böyük işlər görüb. Təmsil etdiyi dairənin sosial-ictimai problemlərinin həllində böyük addımlar atıb, seçiciləri ilə daim təmasdadır. Deputat kimi əsas fəaliyyəti seçicilərin problemlərinin həllli ilə bağlıdır. Fəaliyyəti nəticəsində müxtəlif ölkələrdə qazandığımız dostların sayı artıb.
Mehriban Əliyeva 2004-cü ildən indiyə kimi Heydər Əliyev Fondunun prezidentidir. Fond onun rəhbərliyi altında nəinki Azərbaycanın, eləcə də regionun ən böyük ictimai təşkilatına çevrilib. Çoxşaxəli fəaliyyəti Azərbaycan xalqı tərəfindən yüksək qiymətləndirilib.
Fondun təşəbbüsü ilə bir sıra önəmli layihələrə imza atılıb. Mehriban Əliyevanın beynəlxalq aləmdə çox böyük nüfuzu var. Məhz öz fəaliyyəti nəticəsində. UNESCO və İSESCO-nun xoşməramlı səfiridir. İkinci elə bir şəxsiyyət yoxdur ki, iki belə mötəbər təşkilatın üzvü olsun. Fondun dəstəyi ilə minlərlə insan tibbi müalicə ilə təmin edilib. Bəzi hallarda bu kimi məsələlər ictimaiyyət üçün açıqlanmır.
Bu çoxşaxəli uğurlu fəaliyyəti mənim bu qərarı qəbul etməyimdə əsas rol oynayıb.
Qeyd etməliyəm ki, çox peşəkar, bilikli, təcrübəli, prinsipial və xeyirxah bir insandır. Təsadüfi deyil ki, Azərbaycan xalqı ona böyük rəğbət və sevgi ilə yanaşır. Bu gün Mehriban xanımın həyatında yeni dövr başlayır".
Prezident birinci xanımı yeni vəzifəsi ilə əlaqədar təbrik də edib:
“Bu gün Mehribanın həyatında yeni dövr başlayır. Və əminəm ki, ölkəmizin həyatında bundan sonra da o, öz dəyərli töhfəsini verəcək. Bu təyinat münasibətilə mən onu təbrik edirəm və yeni uğurlar arzulayıram".
MilliYol.Az
Fotolar
Digər xəbərlər
loading...
