Azərbaycanda unun topdansatış qiyməti məlum olub.
İqtisadiyyat.az xəbər verir ki, sentyabrın 5-dən etibarən unun qiyməti dəyişməz olaraq qalıb.
Avqust ayı yekunlaşandan sonra unun qiymətində 0,8 manatadək azalmalar müşahidə olunmağa başlayıb. Hazırda ölkədə 50 kq-lıq ən ucuz un növü ("Dəvəçi-Taxıl") 25,3 manata, ən bahalı un növü ("Azeri-Arapoğlu U.S.və T.LTD") isə 27,5 manata satılır.
Bununla paralel olaraq, Azərbaycana son aylar buğda idxalı azalmağa doğru davam edir. Bu isə ölkənin buğda idxalına çəkdiyi xərclərin azalması deməkdir. Belə ki, ötən ilin eyni dövrü ilə müqayisədə bu ilin yanvar-fevral aylarında Azərbaycana buğda idxalı 2 dəfə, yanvar-may aylarında 27 %, yanvar-iyul aylarında 20,3 %, yanvar-avqust aylarında 13%, yanvar-sentyabr aylarında isə 4,2 % azalıb.
Cari ilin sentyabr ayında ölkəyə idxal edilmiş ərzaqlıq buğdanın 1 tonunun orta qiyməti 363,58 manat təşkil edib. Ötən ilin eyni dövrü ilə müqayisədə bu ilin yanvar-avqust aylarında buğda idxalı isə 13,2 faiz azalıb.
Məlumat üçün onu da bildirək ki, Azərbaycanda buğdanın idxalı və satışı, buğda ununun və çörəyin istehsalı və satışı 2027-ci il yanvarın 1-nə qədər ƏDV-dən azad edilib. Azərbaycanın, təxminən 2,8 milyon ton buğda tələbatının 1,1 milyon tonu idxal hesabına qarşılanır. Ölkəmizin əsas buğda tədarükçüsü isə Rusiya Federasiyasıdır.
Ölkəmizdə istehsalçılar tərəfindən unun topdansatış qiyməti aşağdakı kimi müəyyənləşib:
25,5 manata - "Dəvəçi-Dəyirman" MMC.
26,2 manata - "ATS MİLL" MMC.
26 manata - "Anadoluqida" MMC və "Sünbül 2012" MMC.
26,05 manata - "AVETA" MMC və "KARAT HOLDİNQ" MMC.
25,95 manata - "Bakı Taxıl Terminalı" MMC, "Dəniz un sənayesi LTD" MMC, "Hazartürk LTD" MMC, "KARAT HOLDİNQ" MMC (digər satış məntəqəsi), "Karmen" MMC, "Nadir Quliyev adına Bakı-Taxıl" ASC, "Orxan UN" MMC, "PAK-NUR" FİRMASI, "Səma" fərdi firması, "Taxıl AQRO" MMC, "Xırman" MMC, SKY AGRO MMC.
26,25 manata - "Gəncə Dəyirman" MMC.
26,7 manata - "NEON" Firması.
26,5 manata - Nural" MMC və "Avrora" MMC.
