Azərbaycan Respublikasının Prezidenti cənab İlham Əliyevin müvafiq Sərəncamı ilə iqlim dəyişmələrinə qarşı qlobal mübarizədə beynəlxalq həmrəyliyin gücləndirilməsi məqsədilə Azərbaycanda 2024-cü il “Yaşıl dünya naminə həmrəylik ili” elan edilmişdir.
Bu münasibətlə Sabirabad rayonunun ərazisində yaşıllıq sahələrinin
genişləndirilməsinə, ətraf mühitin qorunmasına və qlobal iqlim dəyişmələrinin qarşısının alınmasına töhfə vermək üçün cari ilin 18-27 oktyabr tarixlərində Hacıqabul-Bəhrəmtəpə-Mincivan magistral avtomobil yolunun rayonun Qaragüney, Zalqaraağac, Nizami, Şəhriyar, Xəlfəli, Nərimankənd, Qaratəpə, Əhmədabad, Yastıqobu, Bulaqlı, Qalağayın, Cavad, Zəngənə kəndlərindən keçən hissəsində, eləcə də Sabirabad şəhərində və Sabirabad-Cavad-Zəngənə kəndlərarası avtomobil yolunun kənarında ağacəkmə aksiyasına başlanılmışdır.
Aksiyada Sabirabad Rayon İcra Hakimiyyətinin başçısı Siraqəddin Cabbarov,
RİHB aparatının məsul işçiləri, hüquq-mühafizə orqanlarının rəhbərləri və əməkdaşları, idarə, müəssisə və təşkilatların kollektivi, ziyalılar, gənclərin və ictimaiyyətin nümayəndələri iştirak ediblər.
Sabirabad Rayon İcra Hakimiyyəti tərəfindən “Yaşıl bir dünya üçün həmrəy olaq!” şüarı altında 11350 (Çinar - 2000 ədəd, Eldar şamı - 1000 ədəd, Zeytun - 1000 ədəd, Oleyandr - 2000 ədəd, Efkalipt - 2500 ədəd, Leylandii - 2500 ədəd və Palma - 350 ədəd) ağac və dekorativ kolların əkilməsi nəzərdə tutulmuş, 18 oktyabr 2024-cü il tarixində artıq 5000 ağac əkilmişdir.
Yeni əkilən ağaclara aqrotexniki qulluq göstərilməsi, onların qorunması və
suvarılması ilə bağlı vacib təşkilati və texniki tədbirlər görülmüşdür.
