Ermənistanda qanunsuz olaraq silah və sursat daşımaq və saxlamaqda şübhəli bilinən 49 nəfər saxlanılaraq ərazi polis bölmələrinə aparılıb.
MilliYol.az xəbər verir ki, bu barədə "Sputnik Ermənistan"a ölkənin Daxili İşlər Nazirliyinin mətbuat katibi Narek Sarkisyan bildirib.
14.30
Ermənistanda qanunsuz silah və sursat saxlamağa görə 24 nəfər saxlanılıb.
MilliYol.az "Sputnik Ermənistan"a istinadən xəbər verir ki, bu barədə ölkənin Daxili İşlər Nazirliyinin mətbuat katibi Narek Sarkisyan açıqlama verib.
Onun sözlərinə görə, saxlanılanları polis bölməsinə aparıblar. Məlumatda qeyd edilir ki, saxlanılanların hamısı "Döyüş Qardaşlığı" birliyinin nümayəndələridir.
"Döyüş Qardaşlığı"nın üzvü Avetis Avetisyan isə səhər tezdən saxlanılıb. Bu barədə təşkilat məlumat yayıb. Bildirilir ki, qruplaşmanın digər üzvü Hrant Ter-Abramyanla əlaqə itib. Təşkilat sosial şəbəkələrdə yazır ki, hüquq-mühafizə orqanları qanunsuz silah gəzdirməklə bağlı ittiham qaldırıb.
"Döyüş Qardaşlığı" Qazaxın işğal altındakı kəndlərinin Azərbaycana təhvil verilməsinə qarşı çıxaraq müqavimət hərəkatı yaratmağa cəhd edirdi.
