Bloqer Nicat Mütəllimovun ümumi vəziyyəti stabil olaraq qalır.
Bu barədə MilliYol.az-a Tibbi Ərazi Bölmələrini İdarəetmə Birliyindən (TƏBİB) yol-nəqliyyat hadisəsində qolunu itirən bloqerin vəziyyəti ilə bağlı bildirilib.
“Reanimasiya şöbəsində müalicələri aparılan Nicat Mütəllimovun vəziyyəti qənaətbəxş hesab edilir. Xəstənin lazımi müayinələrdən keçirilməsi və dinamik müşahidə davam etdirilir. Rutin müalicə prosesi aparılır”, - deyə məlumatda qeyd olunub.
Qeyd edək ki, sosial şəbəkələrdə “Nikosayağı” adı ilə tanınan bloqer Nicat Mütəllimov qəzaya düşüb. Hadisə Heydər Əliyev prospektində qeydə alınıb. N.Mütəllimov idarə etdiyi “Porsche” markalı avtomobili ilə TIR-a çırpılıb. Qəza nəticəsində bir nəfər ölüb, ağır bədən xəsarətləri alan bloqer isə xəstəxanaya aparılıb.
Digər xəbərlər
