İcra başçısının xanım müavini işdən çıxarıldı

Masallı Rayon İcra Hakimiyyəti başçısının müavini tutduğu vəzifəsindən azad olunub.

APA-nın məlumatına görə, Masallı Rayon İcra Hakimiyyəti başçısının müavini, İctimai-siyasi və humanitar məsələlər şöbəsinin müdiri Aybəniz Qafarova tutduğu vəzifədən azad olunub. Aybəniz Qafarova işdən azad olunması üçün ərizə ilə müraciət edib.

Masallı Rayon İcra Hakimiyyətinin başçısı Araz Əhmədov xanım müavininin işdən azad olunması barədə müvafiq sərəncamı imzalayıb.

Masallı Rayon İcra Hakimiyyətindən faktı təsdiqləyiblər.