Xəbər verdiyimiz kimi, Yeni il gecəsi İstanbulun elit əyləncə mərkəzi “Reina”da terrorçu tərəfindən güllələnənlərdən biri, Rusiya vətəndaşlığı daşıyan azərbaycanlı Nuranə Həsənova olub.
“Qafqazinfo” Rusiya KİV-nə istinadən xəbər verir ki, o, son illər Bakıda yaşayırdı və İstanbula da oradan yollanıb. Bu səbəbdən də, Türkiyə hökuməti əvvəlcə onun Azərbaycan vətəndaşı olduğunu hesab edib.
Dostlarının sözlərinə görə, bu, Nuranənin ilk xarici səfəri olub. O, uzun zaman idi ki, xaricə səfər etmək istəyirdi, lakin heç cür alınmırdı:
“İstanbula getmək qərarını bayramdan yarım həftə əvvəl vermişdi. Axı belə bir inanc var, yeni ili necə qarşılasan, elə də keçirəcəksən. Nuranənin isə uğursuz sevgi yaşadıqdan sonra, nəhayət ki, yeni münasibəti yaranmışdı. Arzu edirdi ki, 2017 onun üçün xüsusi il olsun. Nuranə çox mehriban və həyat dolu idi. Böyük hərflərlə əsl dost idi”.
Qeyd edək ki, onun cəsədini tanımaq üçün böyük bacısı İstanbula yola düşüb. O, sabah doğma vətəni Azərbaycanda dəfn olunacaq.
MilliYol.Az
Fotolar
Digər xəbərlər
loading...
