İlham Əliyevin Almaniyaya səfəri diqqət çəkdi

Səfər çərçivəsində ölkə başçısı Almaniya Prezidenti, kansleri, rəsmi şəxsləri, Almaniyanın aparıcı şirkətlərinin rəhbərləri və başqaları ilə olduqca məhsuldar görüşlər keçirdi. Prezidentin keçirdiyi görüşlərə görə onun Almaniyaya səfərini uğurlu hesab etmək olar.

Bildiyimiz kimi Almaniya Azərbaycanın müstəqilliyini 1992-ci ilin 12 yanvarında tanıyıb. İki ölkə arasında diplomatik münasibətlər isə 1992-ci ilin 20 fevralında qurulub. 2 sentyabr 1992-ci ildə Azərbaycanın Almaniyada səfirliyi, 22 sentyabr 1992-ci ildə Almaniyanın Azərbaycanda səfirliyi açılıb. İki ölkə arasında diplomatik münasibətlərin yaranmasından sonra əlaqələr mütəmadi olaraq inkişaf etdi.

Xatırladım ki, Ermənistanın Baş naziri Nikol Paşinyan Azərbaycan Prezidentindən əvvəl Almaniyada səfərdə oldu. Bu baxımdan da İlham Əliyevin Almaniyaya səfəri diqqət çəkdi. Görünən odur ki, qısa müddətdə ərzində Azərbaycan Prezidenti ilə Ermənistanın baş nazirinin Berlinə dəvət olunması Almaniya hökumətinin Cənubi Qafqaza artan marağından irəli gəlir. Yəni, Berlin Cənubi Qafqazda nüfuz qazanmaq istəyir.

Nizami Rayon İcra Hakimiyyətinin məsul işçisi, MMP-nın Siyasi Şura və İdarə Heyətinin üzvü Könül İsmayılova

Milliyol.az