Macarıstanın paytaxtı Budapeştdə yerləşən BMT-nin Terrorla Mübarizə Agentliyində Proqram Meneceri vəzifəsində çalışan Vüqar Allahverdiyev həmin qurumun Filippinin paytaxtı Manilada yerləşən cənub-şərqi Asiya üzrə regional nümayəndəliyinin rəhbəri təyin edilib.
MilliYol.Az xəbər verir ki, hazırki təyinata qədər Vüqar Allahverdiyev BMT-nin Azərbaycandakı nümayəndəliyində, eləcə də Nyu-York şəhərindəki baş qərargaı və Budapeştdə müxtəlif məsul vəzifələrdə çalışıb.
Peşə fəaliyyətinə 2006-cı ildə BMT-nin İnkişaf Proqramının Bakı Ofisində başlayan Vüqar Allahverdiyev 2014-cü ildə BMT-nin Nyu-York şəhərindəki Katibliyində Baş Katibin gənclər üzrə elçisinin müşaviri olaraq peşə fəaliyyətini davam etdirmişdir. 2021-ci ildən etibarən həmyerlimiz BMT-nin Terrorla Mübarizə Agentliyinə təyinat almış ilk Azərbaycan vətəndaşı olaraq qurumdakı vəzifəsi çərçivəsində terrorçuların səyahətlərinin qarşısının alınması üzrə proqrama rəhbərlik etmişdir.
BMT-nin Terrorla Mübarizə Agentliyi qlobal səviyyədə terrorizm və ekstrimizmə qarşı mübarizə sahəsində ölkələrin potensialının gücləndirilməsi və bu istiqamət üzrə beynəlxalq əməkdaşlığın əlaqələndirilməsini təmin edir.
Digər xəbərlər
