Tanınmış jurnalist, Qida Təhlükəsizliyi Agentliyinin sədrinin media məsələləri üzrə köməkçisi, qurumun mətbuat katibi Aysel Fərziyeva işindən ayrılıb.
MilliYol.az xəbər verir ki, jurnalist bu barədə özü məlumat verib.
2018-ci ildən Qida Təhlükəsizliyi Agentliyinin İctimaiyyətlə əlaqələr sektorunun müdiri, Qida Təhlükəsizliyi İnstitutu PHŞ-nin İctimaiyyətlə əlaqələr departamentinin müdiri, daha sonra Agentlik sədrinin media məsələləri üzrə köməkçisi vəzifələrində çalışan A.Fərziyeva tutduğu vəzifədən öz xahişi ilə ayrıldığını deyib.
Qeyd edək ki, Aysel Fərziyeva bundan əvvəl Lider TV-də “Ekonomiks”, ATV-də “Xəbərlər”, “ATV iqtisadiyyat”, “Made in Azerbaijan” verilişlərinin aparıcısı olub. O, “ARB 24”də “Xəbərlər”, “Business lady”, “Pandemiya gündəmi”, “Nə baş verir” kimi bir sıra ictimai-siyasi proqramların aparıcısı kimi çalışıb. Həmçinin, Real TV-də “Realda Qida” və “ARB24”-də “Qida Bələdçisi” verilişlərinin müəllifi, layihə rəhbəri və aparıcısı, “Süfrə” elmi-kütləvi jurnalının baş redaktoru kimi fəaliyyət göstərib.
Digər xəbərlər
