"Azmade Group” şirkətlər qrupuna daxil olan "Azertexnolayn” MMC 2022-ci ildə 8 ayı ərzində 6 milyon dollar məbləğində sənaye məhsullarının xarici bazarlara ixracını həyata keçirib. Bu rəqəm isə ötən ilin nəticəsindən 30 % artıqdır.
MilliYol.Az xəbər verir ki, bunu Şirkətin Müşahidə Şurasının sədri Emruz İsgəndərov bildirib.
Şirkət 10 ildir ölkədə neft və qaz, su təchizatı, inşaat, kənd təssərüfatı, nəqliyyat, maşınqayırma kimi sektorların mühüm layihələrinin əsas təlabatı olansənaye məhsullarının yerli istehsalını həyata keçirir. Qurumun tərkibində 3 zavod, 1 istehsal sahəsi və son dərəcə müasir laboratoriya xidməti mövcuddur. Polad Boru Zavodu, Polietilen Məmulatlar Zavodu və Çuqun Töküm Zavodu əsas zavodlardandır. Zavodlarda 19 adda 62 çeşiddən artıq yerli tələbatı və ixrac potenisialı yüksək olan sənaye məhsulları istehsal edilir.
"Hazırda "Made in Azerbaijan” brendi altında yerli sənaye məhsullarımız Avropanın 13 mühüm ölkəsinə və yaxın region ölkələrindən 6 ölkəyə ümumilikdə 19 dünya ölkəsinə məhsullarımız ixrac olunur. Məhsullarımız rəqabətqabilyyətli olduğundan bu ölkələr hər il müqavilə müddətini uzadır ki, bu da ildən ilə ixrac həcmimizin artmasına səbəb olur", - Şirkətin Müşahidə şurasının sədri deyib.
Emruz İsgəndərov bildirib ki, gələcəkdə əsas vəzifə şirkətin fəliyyətində məhsuldarlığın artırılması ilə yanaşı gəlirlərin də artırılmasıdır. Bu məqsədlə təlabatı yüksək olan yeni inovativ sənaye məhsulların istehsalı, işçilərin bilik və bacarıqlarının artırılması, ixrac coğrafiyasının daha da genişləndirilməsi, yeni bazarlara çıxışın əldə edilməsilə ixrac bazar payının artırılması əsas prioritetlərdəndir:
"Bu il bir neçə beynəlxalq sərgidə məhsullarımız uğurla nümayiş olunub və yüksək marağa səbəb olub. Növbəti ayda isə Özbəkistan Respublikasının Daşkənd şəhərində keçiriləcək daha bir beynəlxalq sərgidə də məhsullarımız təqdim ediləcək".
Digər xəbərlər
loading...
