Gənclərin İnkişaf və Karyera Mərkəzinin Salyan nümayəndəliyində “İnkişafa mərkəzdən başla!” layihəsi çərçivəsində “Analitik təfəkkür və yaradıcı düşüncə” adlı təlim keçirilib.
Təlimçi Ləman Muradi gənclərə “Analitik düşüncə”, “Sosiallaşma və əhəmiyyəti”, “Şəxsi və karyera həyatında analitik düşüncənin əhəmiyyəti”, “Cəmiyyətin və müəssisələrdə işəgötürənin önəm verdiyi dəyərlər”, “Açıq fikirlilik”, “Mübahisələrin həlli”, “Koordinasiya etmək və kommunikasiya bacarıqları”, “Üzərimizə düşən öhdəliklər” və “Gedişat boyu öhdəliklərin tənzimlənməsi” mövzuları haqqında məlumat verib.
İnteraktiv keçən təlimdə gənclər müxtəlif enercayzerlər edib və kreativ düşüncənin inkişaf etdirilməsi üçün qrup işi ediblər.
Sonda gənclərin sualları cavablandırılıb və təlim haqqında fikir mübadiləsi aparılıb.
Layihənin keçirilməsində məqsəd region gənclərinin şəxsi inkişafına töhfə verməkdir.
Fotolar
Digər xəbərlər
