Gənclərin İnkişaf və Karyera Mərkəzinin Salyan nümayəndəliyində “Bərabər hüquqlarımız” layihəsi çərçivəsində “Gender bərabərliyi və əsas anlayışlar” adlı təlim keçirilib.
“Gənclər gender bərabərliyi üçün” layihəsinin rəhbəri, təlimçi Günel Salayeva gənclərə “Gender və cins”, “Cinsi müəyyənləşdirən göstəricilər”, “Genderi müəyyənləşdirən göstəricilər”, “Gender stereotipləri”, “Gender əsaslı zorakılıq”, “Gender ve güc münasibətləri”, “Gender əsaslı ayrıseçkilik”, “Konsent” və “Münasibətlərdə yaş fərqi” mövzuları haqqında məlumat verib.
Produktiv keçən təlimdə gənclər təcrübə etdikləri bərabərsizlik hallarını və gender mövzusunda biliklərini paylaşıblar.
Daha sonra “Erkən nikah”, “Təhsil hüququ”, “İxtisas seçimində gender diskriminasiyası” və başqa gender bərabərsizliyini pozan situasiyaların ssenarisi yazılaraq sosial teatr vasitəsi ilə səhnələşdirilib.
Təlimin keçirilməsində məqsəd region gənclərinin gender bərabərliyi istiqamətində maariflənməsinə və gender sterotiplərinin qırılmasına töhfə verməkdir.
Fotolar
Digər xəbərlər
