Gənclərin İnkişaf və Karyera Mərkəzinin Salyan nümayəndəliyi və Salyan Amerika Mərkəzinin birgə təşkilatçılığı ilə “Karyera addımlarında sən” adlı təlim keçirilib.
Təlimdə “PROGRO” - Peşəkar İnkişaf və İnnovasiyalar Platformasının koordinatoru və “AAA” şəbəkəsinin idarə heyətinin üzvü İradə Mehdiyeva tərəfindən “Karyera”, “Karyeranın mərhələləri”, “Şəxsiyyət tipləri və karyera”, “Əmək bazarı və əmək bazarının qiymətləndirilməsi”, “Düzgün karyera planlaması”, “Karyera seçimi” və “Təcrübə, könüllük proqramlarının karyera qurulmasında önəmi” mövzuları haqqında məlumat verilib.
Produktiv keçən təlimin sonunda gənclər “gələcəkdəki özünə” məktub yazıblar.
Təlimin keçirilməsində məqsəd gənclərin düzgün peşə, karyera seçimi və karyera planlamasının yaxşılaşdırılmasına töhfə verməkdir.
Fotolar
Digər xəbərlər
