Bakıda 28 yaşlı şəxsin ölümü ilə bağlı cinayət işi başlanılıb.
Bu barədə MilliYol.Az-a Səbail Rayon Prokurorluğundan məlumat verilib.
Bildirilib ki, dekabrın 16-sı saat 11 radələrində paytaxtın Səbail rayonu, Bayıl qəsəbəsi, Əhəd Yaqubov küçəsində yerləşən “İndigo” MMC-yə məxsus mətbəədə operator vəzifəsində işləyən 1993-cü il təvəllüdlü Xəyyam Təhməzovun iş yerində ölməsi barədə rayon prokurorluğuna məlumat daxil olub.
Aparılan araşdırmalarla müəyyən edilib ki, X.Təhməzov mətbəədə kağızları kəsmə yolu ilə qabaqcadan müəyyən olunan formanı vermək təyinatı daşıyan avadanlıqda işləyərkən avadanlığın içində qalan kağızları çıxarmaq məqsədilə baş və əl nahiyyəsini saldığı avadanlığın hidravlik pressinin arasında qalması nəticəsində almış olduğu xəsarətlərdən hadisə yerində ölüb.
Faktla bağlı Səbail Rayon Prokurorluğunda Cinayət Məcəlləsinin 162.2-ci (əmək mühafizəsi qaydalarını pozma ehtiyatsızlıqdan insan ölümünə səbəb olduqda) maddəsi ilə cinayət işi başlanılıb.
Hazırda iş üzrə istintaq davam etdirilir.
Qeyd edək ki, X.Təhməzov Vətəndaş Həmrəyliyi Partiyasının Cəbrayıl rayon təşkilatının üzvi olub.
09.15
Bakıda gənc faciəvi şəkildə ölüb.
MilliYol.az xəbər verir ki, sosial şəbəkələrdə "Xəyyam Yaşıl" kimi tanınan 28 yaşlı Xəyyam Təhməzov çalışdığı nəşriyyatda çap maşınının arasında qalaraq ölüb.
Qeyd edək ki, X. Təhməzov Vətəndaş Həmrəyliyi Partiyasının Cəbrayıl rayon təşkilatının və Nida Vətəndaş Hərəkatının fəal üzvlərindən olub.
Digər xəbərlər
