Gənc lider Aydan Xıdırovann “Kitab oxu” layihəsinin icrası başa çatıb.
Layihə Azərbaycan Respublikası Gənclər Fondunun maliyyə dəstəyi ilə həyata keçirilib. Layihə çərçivəsində sonuncu tədbir Saatlı rayonunun orta məktəblərində baş tutub.
Layihə çərçivəsində şagirdlərə kitab barədə müxtəlif tapşırıqlar və kitabın əhəmiyyətilə bağlı geniş məlumatlar verilib. Bundan sonra şagirdlərin fikirləri dinlənilib, onların kitabla bağlı düşüncələrini bölüşmələrinə şərait yaradılıb.
Şagirdlər kitabla bağlı münasibətlərini açıqlayıb, həmyaşıdlarını kitab oxumağa cəlb etmək üçün təkliflərini irəli sürüblər.
Layihənin icrasına müəllimlər, QHT sədrləri də cəlb olunublar. “Kimsəsizlərə Yardım” İctimai Birliyinin sədri İradə Polad, ictimai birliyin regional şöbəsinin koordinatoru Aynur Qarayeva, ekspertlər Ramil Süleymanov və Ziya Rzazadə də layihə çərçivəsində keçirilən tədbirlərdə fəal iştirak ediblər.
MilliYol.Az
Fotolar
Digər xəbərlər
loading...
