Şəmkir rayonunun icra başçısı Alimpaşa Məmmədov Şəmkir Şampan Şərabları ASC-nin direktoru Hafiz İbrahimovu məhkəməyə verib.
Qaynarinfo xəbər verir ki, bu barədə ASC-nin direktoru Hafiz İbrahimov özü Unikal.org-a açıqlamasında deyib. O, bildirib ki, A.Məmmədov facebookda yazdığı statusa görə belə addım atıb:
"Mən facebook profilimdə status yazaraq bildirmişdim ki, Şəmkir rayon İcra Hakimiyyətinin başçısı A.Məmmədov prezidentin sərəncamı ilə yaradılan Koronavirusla Mübarizə Fonduna pul köçürməlidir. Ona köçürməli olduğu pulun mənbəyini də göstərmişdim. Qeyd etmişdim ki, icra başçısı Şəmkir cayının qarşısında iki milyon manata tikdirdiyi Qızıl Balıq Yetişdirmə Zavodundan; Şəmkir bələdiyyələrinin adına götürdüyü 38 milyon kreditdən; Rayon Sovetinin dördmərtəbəli binasının yerini satdığı bir milyon manatdan; Uşaq xəstəxanasının beş hektara yaxın yerini satdığı 4.5 milyon manadan; S. Vurgun kücəsində Prezidentin göstərişi ilə vətəndaşların mənzil şəraitinin yaxşılaşdırlması məqsədi ilə qəzalı olan ikimərtəbəli binanın sakinləri yeni mənzillərə köcürüləndən sonra binanın yerini satdığı 230 min manatdan; Yenə Cənab Prezidentin Sərəncamıyla vətəndaşların mənzil şəraitini yaxşılaşdırmaq ücün üc qəzalı vəziyyətdə olan binanın sakinləri yeni təmir olunmuş mənzillərlə təmin olunmuşdu. Şəmkir icra başcısı və bandası 60 sota yaxın ərazini sotu 10 mindən satdığı vəsaitdən; İcra Hakimiyyətinin həyətinin bir hissəsini yaxınlıqdakı restorana kabinetlər tikilməsi ücün satdığı vəsaitdən; Morul arxının kənarını bütövlükdə qanunsuz olaraq-ayrı ayrı iş adamlarına obyekt yeri kimi satdığı vəsaitlərdən” bu fonda pul köçürsün.İcra başçısı mənim bu statusumla ona şərəf və ləyaqətini alçaltdığımı iddia edərək məni məhkəməyə verib.Şəhər icra nümayəndəsi mənim Şəmkirdə qeydiyyatda olduğuma dair qeyri-qanuni sənəd hazırladıb.Sonra onlar məni Şəmkir məhkəməsinə veriblər.Halbuki mən Səbail rayonunda qeydiyyatdayam.15 ildən çoxdur Bakı şəhərində yaşayıram.Buna görə də vəkillərim dünən bu işlə məşğul oldular.Sənədlər Səbail rayon məhkəməsinə təqdim edildi.
Bundan başqa icra başçısı rayon ərazisində qanunsuz əməllərlə məşğuldur. Mənim Alman kilsəsinin yanında çıxarışlı torpağım var idi.Götürdü məni məhkəməyə verdi onun sənədlərini ləğv etdirdi. Hələ də məhkəmə prosesimiz Ali Məhkəmədə davam etdirilir. Mənim 87 min manatlıq təzminatımı ödəmir.Şəmkirdə torpaqları sotu 5-10 min manata satır. Fərman Salmanov adına Təşəbbüs Qrupunun rəhbəriyəm. Orada onun adına öz vəsaitimiz hesabına park salmaq istəyirik.Beş min manata layihə hazırlatmışam. Dünyaca məşhur geoloqun adına öz hesabımıza park salmaq istəyirik. Mənə deyir başqasına 10 min manatdı, sən gəl 9 min manata sənə verim. Mən də deyirəm mən xeyriyyəçilik üçün bu addımı atmaq istəyirəm”.
Digər xəbərlər
