Səhiyyə Nazirliyi dünən gecə avtomobillə vurulan hüquq müdafiəçisi Oktay Gülalıyevin durumu ilə bağlı məlumat yayıb.
Nazirliyin mətbuat xidmətindən MilliYol.Az-a verilən məlumata görə, hüquq müdafiəçisi Oktay Gülalıyev gecə saatlarında vurulduğu avtomobilin sürücüsü tərəfindən Kliniki Tibbi Mərkəzə gətirilib: "Həkimlər xəstəyə kəllə sümüyünün sınığı və beyinin əzilməsi diaqnozu qoyublar. Xəstəyə lazımi tibbi yardım göstərilib və stasionar müalicəyə götürülüb. Yaxın qohumlarının təkidli xahişlərini nəzərə alaraq onu özəl tibb müəssisəsi olan City Hospitala köçürüblər. O. Gülalıyevin müalicəsi və aparılan müayinələr Səhiyyə Nazirliyinin nəzarəti altındadır".
Qeyd edək ki, ötən gün axşam saatlarında hüquq müdafiəçisi Oktay Gülalıyevi Bakının Nəsimi rayonunda yolu keçərkən avtomobil vurub.
Digər xəbərlər
