Bu gün Bakı Metropoliteni Qapalı Səhmdar Cəmiyyəti gücləndirilmiş iş rejimində çalışacaq
Virtualaz.org bildirir ki, bunu "Bakı Metropoliteni" QSC-nin mətbuat xidmətinin rəhbəri Bəxtiyar Məmmədov deyib.
Onun sözlərinə görə, əməliyyat planına uyğun olaraq, “Qarabağ" futbol klubunun Avropa Liqasının qrup matçı çərçivəsində Bakı Olimpiya Stadionunda keçirəcəyi ev oyunu zamanı arenaya ən yaxın məsafədə yerləşən "Koroğlu" stansiyasında gücləndirilmiş iş rejimi tətbiq olunacaq.
B.Məmmədov bildirib ki, əsas vəzifə sərnişinlərin stansiyanın xidmətindən təhlükəsiz və rahat istifadəsini təmin etməkdir. Həmin müddətdə sərnişin axınının tənzimlənməsi məqsədilə canlı qüvvə və texniki vasitələr ayrılacaq. Həmçinin ehtiyat qatarlar nəzərdə tutulacaq və zərurət yaranarsa, xəttə buraxılacaq.
Xatırladaq ki, “Qarabağ” – “Vorskla” oyunu Bakı Olimpiya Stadionunda keçiriləcək və saat 20:55-də başlayacaq.
MilliYol.Az
Digər xəbərlər
