Paris jurnalist Camal Xaşuqcinin öldürülməsinin ətraflı araşdırılmasını tələb edir
Bu barədə Fransa xarici işlə naziri Jan-İv Le Drianın nazirliyin Twitter hesablında yerləşdirilən bəyanatında deyilir.
Bəyanatda bildirilir: “Camal Xaşuqcinin öldürülməsinin təsdiq edilməsi həqiqətin müəyyən edilməsi istiqamətində ilk addımdır. Bir çox sual cavabsız qalır. C.Xaşuqcinin qətli ilə bağlılığı olanların cavab vermələri üçün suallar qəti və ətraflı araşdırma tələb edir”.
Onun sözlərinə görə, Fransa Səudiyyə Ərəbistanı hökumətindən bu istiqamətdə işlər gözləyir: “Bu gözləntilər bizim ölkələrin səmimilik, tələbkarlıq və şəffaflıq tələb edən strateji tərəfdaş olması fonunda daha da güclənir”.
Bundan əlavə XİN rəhbəri C.Xaşuqcinin ailəsinə və yaxınlarına başsağlığı verib.
Trend-in ən mühüm və maraqlı xəbərlərini “Telegram”da izləyin
pia.az
Digər xəbərlər
