Bakıda piyadanın ağır xəsarət alması ilə nəticələnən yol qəzası baş verib
1955-ci il təvəllüdlü Eyvazov Namiq Əbdüləzim oğlu Suraxanı rayonunun Bülbülə qəsəbəsi ərazisindən hər iki ayağının sınığı diaqnozu ilə 3 saylı şəhər klinik xəstəxanasına çatdırılıb.
İlkin araşdırmalar zamanı məlum olub ki, piyadanı "Qarabağ" futbol klubunun qapıçısı, İslandiyanın futbol yığmasının əsas heyət üzvü, 1984-cü il təvəllüdlü Hannes Haldorson idarə etdiyi 10 UC 909 nömrə nişanlı "Wolksfagen Tuareg" markalı avtomobillə vurub.
Populyarxəbərlər
Belə ki, gecə saatlarında klubun bazasından ayrılan və "Port Baku" kompleksində yaşadığı mənzilə gedən futbolçu maşının qarşısına çıxan piyadanı vurub. O, hadisə zamanı maşından düşərək yaralıya kömək edib və onu xəstəxanaya çatdırıb. Həkimlər yaralının həyatına təhlükənin olmadığını, lakin N.Eyvazovun uzun müddət yeriyə bilməyəcəyini deyiblər.
Hadisə yerinə gələn hüquq-mühafizə orqanlarının əməkdaşları əraziyə baxış keçirib və izahatlar alıblar.
Faktla bağlı zəruri ekspertizalar təyin edilib.(virtualaz.org)
MilliYol.Az
Digər xəbərlər
