Bolqarıstanlı televiziya jurnalisti Viktoriya Marinovanın zorlanması və öldürülməsində şübhəli bilinən şəxs bir neçə günə Bolqarıstana təhvil veriləcək. Bunu Almaniya məhkəməsi oktyabrın 12-də bildirib
Almaniyanın Tselle ali regional məhkəməsinin bəyanatına görə, 20 yaşlı şübhəli dindirilmə zamanı deyib ki, qurbanı öldürmək fikri olmayıb, onu zorladığını da boynuna almayıb. “Saxlanmış şəxs məhkəmədə deyib ki, 2018-ci il oktyabrın 6-da qurbanla şifahi mübahisəsi olub”, – bəyanatda deyilir.
Məhkəmənin bildirməsinə görə, şübhəli alkoqol və narkotik maddələrin təsiri altında olduğunu, Marinovanı sifətindən vurduğunu, onun yerə yıxıldığını etiraf edib. O deyib ki, jurnalisti yerdən götürərək kolluğa atıb və hadisə yerini tərk edib.
Almaniya hakimiyyəti oktyabrın 9-da Bolqarıstan hakimiyyətinin xahişilə saxlanmış şübhəlinin adını açıqlamayıb. Amma Bolqarıstan tərəf onun Ruze şəhər sakini Severin Krasimirov olduğunu deyirlər. Onun oktyabrın 21-dək təhvil verilməsi gözlənir.
Marinova Bolqarıstanın TVN televiziyasında “Detektor” adlı tok-şouya aparıcılıq edirdi. Müstəntiqlər jurnalistin qətli ilə peşəsi arasında bağlılıq görmədiyini bildirib. Hakimiyyət jurnalistin başına dəyən zərbələrdən və boğulmadan ödlüyünü bəyan edib. Onu həm də zorlayıblar.
(Azadlıq radiosu)
MilliYol.Az
Digər xəbərlər
