“Rusiya-Ermənistan münasibətlərində müəyyən soyuqluq yarandığı dövrdə Azərbaycan-Rusiya münasibətlərinin intensiv inkişafı Dağlıq Qarabağ probleminin həllinin dalandan çıxarmaq baxımından çox vacibdir”
Bu fikirləri Azərbaycan-Rusiya parlamentlərarası əlaqələr üzrə işçi qrupun üzvü, politoloq Rasim Musabəyov, Rusiya prezidenti Vladimir Putinin ötən gün ölkəmizə baş tutan səfərini AzVision.az-a şərh edərkən deyib.
Politoloq bildirib ki, iki ölkə arasındakı əlaqələr nə qədər intensivləşsə, bir o qədər yaxşıdır:
“Rusiya Azərbaycanın böyük qonşusudur. Bizim Rusiya ilə çoxsahəli əlaqələrimiz var. Biz bu əlaqələri nə qədər intensivləşdirsək, bir o qədər yaxşıdır. Bu, həm iqtisadi, həm də ölkəyə gəlib-gedən insanlarımız üçün faydalıdır”.
R.Musabəyov qeyd edib ki, Qarabağ münaqişəsinin həlli, düyünün açılması Rusiyanın əlindədir: “Biz Dağlıq Qarabağ problemini dalandan çıxarmaq üçün çalışırıq. Dövlət başçılarının görüşündə Dağlıq Qarabağ münaqişəsinin müzakirə olunmadığı fikri ilə razı deyiləm. Çünki görüşdə müzakirə olunan məsələlərin heç də hamısı media üçün elan olunmayıb. Elə məsələlər var ki, bunlar təkbətək görüşlərdə müzakirə olunur. Amma qərar orada verilmir. Bizim üçün vacib olan Rusiyanın yanaşmasıdır”.
Populyarxəbərlər
Politoloq qeyd edib ki, Ermənistanın indiki rəhbərliyi söz başa düşmür, özlərini məsuliyyətsiz aparırlar: "Ermənistan rəhbərliyinin Rusiyadan dəstək alıb fironluq etməyinə nə dərəcədə yol verilməlidir? Bu baxımdan görüşdə çox məsələlər müzakirə olunur.
Bundan başqa, Azərbaycan üçün vacibdir ki, Rusiya-Türkiyə, Rusiya-İran münasibətlərinin hansı perspektivləri var? Qərblə Rusiyanın pisləşmiş münasibətləri haraya aparıb çıxara bilər? Bütün bunlar xoşumuza gəlsə də, gəlməsə də bizim bölgəyə, o cümlədən Azərbaycana da proyeksiya olunur. Elə məsələr var ki, onlar qərar tələb etmir. Ancaq onun yüksək səviyyədə ikitərəfli, dost atmosferdə müzakirəsi Azərbaycan üçün vacibdir ki, öz siyasətini daha dəqiq həyata keçirsin”.
MilliYol.az
Digər xəbərlər
