Əfsanəvi futbolçu Luis Saha bu gün "Qarabağ"ın bazasını ziyarət edib. MilliYol.Az xəbər verir ki, Saha klubun direktoru Əmrah Çəlikəl və baş məşqçi Qurban Qurbanovla kiçik toplantı keçirib, Azərbaycan futbolu haqda fikir mübadiləsi aparıb.
Görüşün sonunda futbolçuya "Qarabağ"ın "9" nömrəli forması hədiyyə olunub. Luis Saha daha sonra komanda üzvləri ilə də bir araya gəlib. Komandaya və Qurban Qurbanova uğurlar arzulayıb, "Qarabağ"ın Avropada layiq olduğu yerə gələcəyinə inandığını bildirib.
Sonda isə Luis Saha klubumuzun məşqçi və texniki heyəti ilə bərabər futbol oynayıb.
Xatırladaq ki, Luis Saha Fransa millisində 20 oyuna çıxıb, "Mançester Yunayted", "Tottenhem", "Latsio" kimi klubların şərəfini qoruyub.
MilliYol.Az
Fotolar
Digər xəbərlər
loading...
