“Brent”in qiyməti iyulun 11-dən indiyədək maksimumuna yüksəlib- Bu gün 2 faizdən çox bahalaşıb

Azərtac xəbər verir ki, “Brent” neftinin qiyməti son 6 həftənin ən yüksək səviyyəsinə qalxıb. “Brent”in qiyməti təkcə bu gün 2 faizdən çox bahalaşıb. Belə ki, dünən bir barreli 74,73 dollardan alıcı axtaran “Brent” bu gün 76,40 dollar/barrelədək artıb.

“Light” markalı neftin bir barrelinin qiyməti isə 2,2 faiz artaraq 69,31 dollaradək bahalaşıb və avqustun 8-dən bu vaxtadək maksimum səviyyəyə çatıb.

Qeyd edək ki, hazırda “Brent”in bir barreli Londonun ICE birjasında 75,82 dollara, “Light” neftinin bir barreli isə Nyu-Yorkun NYMEX birjasında 68,72 dollara alıcı axtarır.

MilliYol.Az